O XORNAL NA AULA

Chegados a este punto do curso, decidimos coñecer outro tipo de textos e as súas propiedades, polo que incluimos nas nosas dinámicas semanais o traballo coa prensa. Empregar a prensa na aula supón dispoñer dun recurso máis que lles axudará nos procesos de aprendizaxe de lectoescritura. 

A prensa é un recurso de gran valor didáctico en canto que lle permite acceder ao mundo dos adultos, e ao mesmo tempo proporciónalle imaxes, pictogramas, anagramas, logotios que forman parte do seu mundo. 

O noso traballo basearase en acadar os seguintes obxectivos: 

- Aplicar a coordinación visomanual precisa para manexar e explorar obxectos cunha determinada precisión. 

- Observar  sucesos e acontecimientos do contorno dos nenos e das nenas. 

- Diferenciar as características propias do xornal.  

- Ler, interpretar e producir imaxes como forma de comunicación. 

OS VOLCÁNS

Ao longo deste segundo trimestre e tralo interese dos cativos e cativas de cinco anos polos volcáns, o volcán islandés Eijafjalla está a eurupcionar, estamos a indagar sobre esta temática. Xa sabemos cousiñas dos volcáns, e sobre todo do volcán Eijafjalla, que nome tan raro e tan complicado!. Para acercarnos a este fenómeno comezamos coas noticias publicadas no mes de abril e algunha deste mes de maio. Unha das primeiras actividades que fixemos foi a de escribirlle un titular a unha das noticias publicadas na prensa. Os titulares foron os seguintes: El volcán Eijafjalla erupociona de nuevo, El volcán eurpciona, El volcán echa ceniza, Eijafjalla está en erupción, El volcán se despierta, El volcán Eijafjalla está erupcionando, El volcán en erupción, El volcán que no se puede dormir, Elvolcán echa lava, El volcán Eijafjalla erupciona de nuevo.... entre outros