AGASALLOS PARA TODOS

Tal e como xa anunciaramos a través das redes sociais, as Súas Maxestades de Oriente foron as primeiras que quixeron sorprendernos neste primeiro día de clase do 2014. 

Como non podía ser doutro xeito, e dado que coñecen do gusto que nos temos por eles, decidiron agasallarnos cunhas boas lecturas coas que de seguro viaxaremos polo mundo da fantasía. A maiores, e como tamén nos viron moi festeiros deixáronnos uns cotillóns. 

FESTIVAL NADAL 2013

Xa non queda nada, estamos a piques de rematar este primeiro trimestre, e de que mellor maneira que cantando. Farémolo ao ritmo de Unha vella tiña un can recollido no último traballo de Migallas Teatro, editado pola editorial Kalandraka: Pan de Millo.

Aquí vos deixamos un video coa nosa actuación, agardando que fose do agrado de todos vós. 

SANTA CHEGA AO COLEXIO

Santa Claus chegou o noso colexio, petou na nosa porta e alí se quedará ata que rematen as vacacións. 

Pero non foi a única visita, xa que este mércores contamos coa axudante de Papá Noel quen nos felicitou as festas de Nada. 

(Agradecemento para ANPA do colexio)

A CREAR!

Este mes de Nadal é típico polas fermosas decoracións que atopamos na rúa, nos escaparates, nas tendas…..., pois ben, dende a aula de tres anos quixemos crear os nosos propios adornos, tanto de xeito individual como por pequenos equipos. 

Foi unha longa tarefa que conlevou a creación de tres grandes elaboracións: unha BOLA de Nadal personalizada que formará parte da decoración da nosa árbore, un simpático RENO empregando material de refugallo (o tubo do papel hixiénico) e unha fermosa COROA, a través da cal puxemos en práctica a importancia do traballo en pequeno grupo.

FELICITAMOS O NADAL

Como xa é costume no noso centro, todos os anos os rapaces e rapazas do centro desexámoslles as nosas familias un Bo Nadal cunhas fermosas felicitacións feitas no colexio.

Este ano na aula de Educación Infantil 3 anos decidimos escoller este motivo que atopamos na rede con algunha pequena adaptación. 

Aquí podedes ver o proceso de elaboración, empregando as súas artes e as súas mans como instrumento creador. 

CHEGOU O TEMPO DE NADAL

O tempo de Nadal préstase para xogar e facer moitas actividades en familia. Aquí van algunhas das nosas recomendacións. 

EMPEZAMOS O SEGUNDO TRIMESTRE

Tralas vacacións toca voltar á escola. Así que, chegamos case todos fregando nos ollos, con caras de sono, pero con moitas cousas que contar aos compañeiros e compañeiras.

Foi unha mañá de grandes asembleas onde cadaquen contou como vivira estas datas, o que fixera, os agasallos que recibira.... tantas e tantas cousas que contar!!!!. 

Pero, entre estes faladoiros, decatáronse de que na clase tamén había uns agasallos, que será?, que será?. As caras sempre son o espello da alma, pois aí vos quedan.

FIN DE ANO NO LUAR

En todo Nadal que se precie, debe haber un Guateque, baixo este lema os cativos e cativas de cinco anos demostraron os seus pasos de baile, a ritmo de melodías tan coñecidas como "Cuéntame como te ha ido" "Quince años tiene mi amor" "Buscando en el baúl de los recuerdos " e non podía faltar a Yenca "Izquierda, izquierda, derecha, derecha, adelante.....". 

Versión do Festival Navidad 2009 que publicou no You Tube kremaster, moitas grazas por compartir a vosa actuación con nós.

A VISITA DE PAPÁ NOEL

Que visita tan especial!. Non nolo podiamos crer! Por megafonía avisáronnos dunha visita inesperada: Papá Noel. Polo que, mans á obra para poder escribir e decorar unha fermosa carta para darlle a este fermoso personaxe. Un día moi atarefado e moi emocionante para os nosos picariños.

PALABRAS NAS NUBES, NUBES DE PALABRAS

O texto escrito, durante estos tres anos, foi e segue a ser un aspecto moi importante. Agora ben, durante este curso está  a ser vital, xa que os picariños están iniciándose na composición de palabras e de frases, importantes para poder comunicar os seus desexos, sexan os que sexan. 

Cada neno ou nena ten o seu ritmo de aprendizaxe por ese motivo atoparemos diferentes fases ou hipótese de escritura neste gran traballo.

Dado que iniciamos unha etapa chea de fermosas palabras decidimos que fosen eles quenes escribisen as palabras propias deste mes. Así apareceron palabras como REGALO, PAPÁ NOEL, PINO, FELIZ NAVIDAD..... entre outras. 

O APALPADOR II

Para aqueles que queredes seguir xogando co Apalpador, deixamos esta actividade LIM do CEIP Outeiro das Penas, agradecemos este material, e esperamos que xoguedes con el, e sobre todo, que vos divirtades moito. 

Fixádevos na parte superior, ten dous niveis de dificultade segundo o maior nivel de comprensión e expresión escrita. 

O APALPADOR

Sempre que chega o mes de Decembro, os picariños falan moito dos Reis Magos, de Papá Noel, entre outros ......, agora ben, en Galiza temos un personaxe propio que tamén agasalla aos nenos, o APALPADOR. 

Seguro que para moitos é un gran descoñecido, pois prestade moita atención, abride ben as orellas e os ollas, a historia comeza así........

Video do CEIP Coirón de Dena
Agora que escoitastedes a historia, gustaríache ter un Apalpador?. Aquí che deixamos este recortable. Agardamos que deste xeito, todos coñezamos algo máis deste novo personaxe.

Sacada do blog dalleuncolinho.blogspot.com 

NA AULA HABÍA AGASALLOS

Xa voltamos das vacacións e cal foi a nosa sorpresa, cando nos atopamos cuns paquetes, que como din os picariños, nos deixaron os Reis Magos porque nos portamos ben. Gozaron abrindo e xogando con estes agasallos.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

FESTIVAL DE NADAL

E xa por fin, despois de tantos e tantos preparativos chegou o gran día: o Festival de Nadal. Todos estabamos moi nerviosos, xa que era a primeira vez que iamos actuar ante tanta xente, e sobre todo ante os noso papis e as nosas mamis. A nosa actuación titulámola "Mira quen baila" e fixémola de forma conxunta cos nenos e nenas de 5 anos tendo como base melódica "Con te partiro" de Andrea Bocelli.

XA ESTÁN CHEGANDO

Picariños, preparádevos, que xa están chegando o Reis Magos, e como fóstedes moi bos, seguro que vos traerán regalos, ou queriades carbón?. Gozade dos agasallos das Súas Maxestades e feliz día a todos/as.

Idea extraída do Blog Pequerrechosdebea

FESTIVAL DE NADAL

O luns 22 de decembro celebramos o Festival de Nadal, coa actuación de "O Calendario do 2010", no cal representamos un dos papeis máis importantes ata o momento. Deleitádevos todos/as cunha morea de imaxes desa tarde.

A NOSA FELICITACIÓN DE NADAL

Como todos os anos por estas datas, os picariños felicitamos estas festas cunha tarxeta moi espcial. Aí vos vai un exemplo.

DENDE O POLO NORTE ATA FORCAREI

Hoxe no CEIP Nosa Señora das Dores, recibimos unha visita moi, pero que moi especial, Santa Claus, Papá Noel, ou como queirades chamarlle, chegou ao noso colexio cargado de chuches, co que nos gustan a nós!!!!. Todos quedamos abraiados e sobre todo sorprendidos por esa inesperada visita. Como podedes ver, o profe Javi, intentou colarse, pero Papá Noel douse conta, e non lle dou ningunha chuche.

FACEMOS O NOSO BELÉN

Durante este primeiro trimestre traballamos a reo, tanto é así, que incluso na clase de Relixión coa profe Marta tivemos tempo para confeccionar o noso propio Belén,o Belén de Cinco anos, do cal todos e todas estamos moi orgullosos. Está exposto no salón de actos, e supoño que todos e todas o pudéstedes ver, e senón ai vos vai unha mostra.

O NADAL XA COMEZOU!!!

O Nadal xa comezou!!!, e con el os adornos, agasallos, o turrón, o mazapán, os Reis Magos, Papá Noel.... Xa falta moito menos para escomezar un novo ano cheo de moitas e grandes sorpresas. E mentres nós, comezamos cos preparativos para o Festival, os ensaios, e sobre todo os nervios. Para pasar mellor estes días escoitamos estas panxoliñas.