Kaluga

Kaluga
Калуга
by
Flagg Våpenskjold
Land	Russland
Føderasjonssubjekt	Kaluga oblast
Høgd	190 m
Areal	168,8 km²
Folketal	324 989 (1. januar 2025)
Første gong nemnd	1371
•  Bystatus	1371
Postnummer	2480xx
Retningsnummer	(+7) 4842
Kaluga 54.533333333333°N 36.266666666667°E / 54.533333333333; 36.266666666667
Wikimedia Commons: Kaluga

Kaluga (russisk Калу́га) er ein by og administrativt senter i Kaluga oblast i Russland. Han ligg ved elva Oka, rundt 170 km sørvest for Moskva. Byen har om lag 330 000 innbyggjarar.

Historie

Kaluga vart grunnlagd på midten av 1300-talet som ei grensefestning ved den sørvestlege grensa til Storfyrstedømet Moskva. Han vart første gong nemnd i historiske dokument i 1371. I mellomalderen var Kaluga ein mindre busetnad eigd av Vorotynskij-fyrstane, som hadde familiegods sørvest for dagens by. På 1700-talet voks busetnaden til ein handels- og administrasjonsby. Under Napoleonskrigane i 1812 var Kaluga hovudkvarter for general Mikhail Kutuzov.

Under den andre verdskrigen vart Kaluga okkupert av tyske styrkar frå oktober 1941, men vart gjenerobra av den raude armeen alt i desember 1941.

Romfartsmuseet i Kaluga.

Kaluga er kjend for sin mest kjende innbyggjarar, Konstantin Tsiolkovskij, ein pioner innan rakettforsking, som vert rekna som den russiske romfarten sin far. Han byrja karrieren sin som skulelærar i Kaluga. Tsiolkovskij grunnla i 1892 eit institutt for fysikk i Kaluga. Den tidlegare bustaden hans er i dag eit russisk romfartsmuseum, tileigna hans teoretiske prestasjonar og deira praktiske bruk innan moderne romforsking.

Økonomi

Kaluga har i de seinare åra vorte eit av sentra for bilindustrien i Russland, etter at fleire utanlandske produsentar har bygt fabrikkar i området.

I mai 2007 kunngjorde Volkswagen at dei ville bygge ein bilfabrikk i Kaluga, som stod ferdig i 2009. Investeringa var på over 370 millionar Euro. Fabrikken starta produksjon av Skoda Octavia i 2008 og i 2009 produksjon av VW-modellane Passat, Touareg og Polo. Fabrikken er planlagt for ein produksjon på 115 000 biler pr år.

Den 15. oktober 2007 starta Volvo bygginga av ein ny lastebilfabrikk, som stod ferdig tidleg i 2009. Fabrikken har ein kapasitet på 10 000 Volvo- og 5 000 Renault-lastebilar.

Den 12. desember 2007 kunngjorde PSA Peugeot Citroën at dei ønskjer å bygge ein ny bilfabrikk i Kaluga, som vart ferdigstilt i 2009. Fabrikken er bygt for produksjon av mellomstore biler.

Den 28. desember 2007 kunngjorde Mitsubishi Motors at de hadde ønskte om å bygge ein fabrikk i Kaluga med ein årleg produksjonskapasitet på 50 000 bilar.

Transport

Kaluga er knytt til Moskva via jernbane og den historiske «Kalugavegen», som i dag er hovudvegen E105. Kaluga Grabtsevo lufthamn ligg 6 km nordaust for sentrum av byen.

Kjende personar frå Kaluga

• Konstantin Tsiolkovskij, rakettforskar
• Imam Sjamil, avarisk politikar
• Jurij Averbakh, stormeister i sjakk

Kjelder

• Denne artikkelen bygger på «Kaluga» frå Wikipedia på bokmål, den 30. november 2008.

Bakgrunnsstoff

Commons har multimedium som gjeld: Kaluga

• Offisiell nettstad