Gong Li
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
 Gong Li (巩俐, Gǒng Lì) (nassùa a Shenyang, Liaoning, ël 31 dë dzèmber dël 1965) a l'é n'atris cinèisa naturalisà Singapor. A l'é stàita musa dël regista Zhang Yimou e a l'é avosà dzortut për ij sò film dël "cine d'autor" cinèis e për soa cariera antërnassional. Biografìa[modìfica | modifiché la sorgiss]A l'é la pi giovo 'd sinch fieuj. Sò pare a l'era professor d'economìa. Dël 1985 a l'é intrà a l'Academia Central d'Art Dramàtica ëd Pechin, e a l'é laureasse dël 1989. A l'ha ancaminà soa cariera an teàter. A l'é stàita la musa e l'amant dël regista Zhang Yimou, ch'a l'ha fala debuté dël 1987 con Red Sorghum (Sorgh ross), ch'a l'ha vagnà l'Ors d'òr al Festival ëd Berlin. A l'ha peui recità an d'àutri film ëd Zhang, an tra cui Ju Dou (1990) e Raise the Red Lantern (1991), nominà a l'Oscar. Dël 1992 a l'ha vagnà la Coppa Volpi a la Mostra dël Cinema ëd Venessia për Qiu Ju, una donna cinese. Dòp la separassion da Zhang, a l'ha tentà na cariera antërnassional. A l'ha recità ant Memoirs of a Geisha (2005), Miami Vice (2006) e Hannibal Lecter - Le origini del male (2007). Dël 2006 a l'ha arncontrà Zhang për La maledizione del fiore d'oro. Dël 2014 a l'ha recità ant Coming Home. Vita privà[modìfica | modifiché la sorgiss]A l'ha marià l'amprenditor singaporian Ooi Wei Ming dël 1996, e a son divorsià dël 2010. Dël 2008 a l'ha pijà la sitadinansa singaporian-a. Dël 2019 a l'ha marià ël compositor fransèis Jean-Michel Jarre. La banda Red Hot Chili Peppers a l'ha dedicaje na canson, Gong Li, dël 1999. Film parsial[modìfica | modifiché la sorgiss]
|
