Besacorb
Besacorb o Vesacorb (en francés, Bézacoul[1]) es una anciana comunautat puèi comuna de Tarn, annexada en 1833 per Telhet[2].
Demografia
[modificar | modificar lo còdi]Evolucion demografica de la comuna de Besacorb de 1793 a 1821.
| 1793 | 1800 | 1806 | 1821 |
|---|---|---|---|
| 310 | 291 | 329 | 326 |
Font : Des villages Cassini aux communes d'aujourd'hui[2].
Istòria
[modificar | modificar lo còdi]La comunautat de Besacorb se compausava dels vilatges e masatges de La Còsta, La Tòrta, L'Algariá, Catalan, La Molina, Besacorb, Sirvens, La Canorga, La Satjairiá, La Guiraudiá, Ban, L'Ardiá, La Bertrandiá, La Tenesa e La Bruguièra[3].
Besacorb èra pas una parròquia, e per exemple lo vilatge dependiá de la parròquia de Sant Estève de Terrabusset[4]. La comunautat de Besacorb èra talament escampilhada qu'après la Revolucion francesa foguèt dividida en doas comunas: Besacorb e La Bruguièra de Besacorb. Puèi, La Bruguièra foguèt annexada per Marçals. En 1833, quora l'Oèst de la comuna de Paulinh se separèt d'aquela, annexèt Vesacorb que los quatre o cinc tròces de la comuna li èran enclavats dedins. Besacorb foguèc doncas engolida per la comuna novèla de Telhet sonada Telhet e Vesacorb puèi simplament Telhet. Enfin, en 1897 la comuna de Paulin venguèt Paulinhet.
Referencias
[modificar | modificar lo còdi]- ↑ Institut d'Études Occitanes, Répertoire toponymique et ethnographique des communes du Tarn, IEO du Tarn, Albi, 1988
- 1 2 Ficha de Besacorb
- ↑ Ròtle de capitacion de 1695
- ↑ Carta de la comuna de Telhet dins l'Atlàs cantonal de Tarn de 1840, amb delimitacion de las parròquias
.svg){kind=small}
