Imanuel Kant

Imanuel Kant Immanuel Kant
Portret Kanta (1768)
Biografija
Ime pri rodženju:	Emanuel Kant
Rodil se:	22 aprilja 1724 Königsberg, Prusija
Umrl:	12 fevruara 1804 (79 lět) Königsberg, Prusija
Doba:	Doba Prosvěčenja
Akademična dějatelnost
Škola:	Kantianizm Filozofija Prosvěčenja Deontologija
Interesy:	Metafizika, epistemologija, etika, estetika
Značime ideje
Kategoričny imperativ Transcendentalny idealizm Sintetična a priori Věč-v-sobě (Ding an sich) Věčny mir (Zum ewigen Frieden)
Podpis

Imanuel Kant (urodženy Emanuel Kant; něm.: Immanuel Kant) – byl němečsky filozof i jedin iz centralnyh mysljiteljev Prosvěčenja. Obširne i sistematične trudy v oblasti epistemologije, metafiziky, etiky i estetiky sdělali jego jednoju iz najvyše vlivateljnyh i najvyše diskutujemyh figur v modernoj zapadnoj filozofiji.

V svojej doktrině transcedentalnogo idealizma Kant utvrdžal, že prostranstvo i čas – to je naprosto "formy intujicije", ktore strukturujut ves opyt i prěživanje, a objekty prěživanja – sut naprosto "javjenja". Priroda věčij, kakove one sut vnutri sebe, ne jest poznavajema. Tym ne menje, probujuči protivostojati filozofičnoj doktrině skepticizma, on napisal «Kritiku čistogo razuma», najvyše znamenitu jego tvorbu. Kant provědl paralel s kopernikanskoju revolucijeju v svojej propoziciji mysliti ob objektah prěživanja kako ob odpovědajučih našim prostranstvenym i časovym formam intuicije i kategorijam našego razumenja, zatom my imajemo apriorno poznanje tutyh objektov.

Kant mněl, že razum jest iztočnikom morali, a estetika voznikaje iz sposobnosti bezpristrastnogo sudženja. Religiozne pogledy Kanta byli gluboko svezane s jego moralnoju teorijeju. Jih točna priroda ostavjaje se neizvěstnoju. On nadějal se, že věčny mir može byti zabezpečenym posrědstvom medžunarodnoj federacije republikanskyh držav i medžunarodnogo surabotničstva.

Iztočniky

Tutoj članok imaje prěvod iz članka «Immanuel Kant» na anglijskom (spis avtorov; dozvoljeńje CC BY-SA 4.0).