Robert Crumb

Robert Crumb (pron.: robert-kramb; n. Filadelfia (Pennsylvania), la 30ma di agosto 1943) esas Usana desegnisto di rakonti ed ilustristo. Ilua maxim bone konocata DR-i esas l'alternativa DR-i pri "Fritz the Cat" (Fritz la Katulo), "Mr. Natural", "Devilgirl" (Diablo-yunino) e "Mr. Snoid". La rakonti traktas diversa tabua temi quale sexuago, violento, narkotigivi, ocido, insulti, politiko, rasismo. Por Crumb la DR esis moyeno expresar su pri omna frustraji e fantaziaji.

Fritz la Katulo

En 1972 Fritz la Katulo filmigesis da Ralph Bakshi ed internacione esis granda suceso. Fritz divenis kult-figuro por la hipio-generaciono. Malgre la granda suceso di la filmo, Crumb esis tre deskontenta pri ol e refuzis kunlaborar a la sequanta parto La Non Vivi di Fritz la Katulo (1974), qua ne esis suceso.