Rábade

Rábade
	Nome oficial Rábade (gl) dende 1950; San Vicente de Rábade (es) dende 1925 ata 1950
	Nome oficial Rábade (gl) dende 1950; San Vicente de Rábade (es) dende 1925 ata 1950
	Vista da vila
	Instancia de concello de Galicia
	Lista do elemento eleccións municipais en Rábade
Implicados
	Xefe do goberno Cargo: alcalde de Rábade ; Francisco Xosé Fernández Montes
Datas
	Fundación / creación 1925
Localización
	Situado en provincia de Lugo, Galicia, España
	Capital Rábade
	Comparte fronteira con Begonte; Outeiro de Rei
OpenStreetMap
	Coordenadas 43°07′19″N 7°37′23″O / 43.122, -7.623
Cifras e dimensións
	Poboación 1.601 (2001) rexistro civil; 1.583 (2002) rexistro civil; 1.630 (2004) rexistro civil; 1.668 (2005) rexistro civil; 1.668 (2006) rexistro civil; 1.699 (2007) rexistro civil; 1.718 (2008) rexistro civil; 1.711 (2009) rexistro civil; 1.723 (2010) rexistro civil; 1.733 (2011) rexistro civil; 1.674 (2012) rexistro civil; 1.637 (2013) rexistro civil; 1.604 (2014) rexistro civil; 1.549 (2015) rexistro civil; 1.521 (2016) rexistro civil; 1.519 (2017) rexistro civil; 1.501 (2018) rexistro civil; 1.501 (2019) rexistro civil; 1.505 (2020) rexistro civil; 1.524 (2021) rexistro civil; 1.503 (2022) rexistro civil; 1.503 (2023) rexistro civil; 1.499 (2024) rexistro civil; 1.514 (2025) rexistro civil
	Poboación feminina 752 (2019)
	Poboación masculina 749 (2019)
	Superficie 5,2 km²
	Altitude 400 m
Código postal
Códigos e identificadores
Código postal
Código postal	27370
Código INE	27056
OpenStreetMap	345119
VIAF	316733241
Freebase	/m/027cx7f
Fontes e ligazóns
	Páxina WEB concellorabade.es
	Wikidata G:Commons C:Commons

Para outras páxinas con títulos homónimos véxase: Rábade.

Rábade é un concello da provincia de Lugo, pertencente á comarca de Lugo. Segundo o IGE en 2014 tiña 1604 habitantes (1668 no 2006, 1668 no 2005, 1630 no 2004, 1626 no 2003).

Onomástica

O topónimo Rábade podería ter orixe no termo hispano-árabe rabaḍ, co significado de "barrio, suburbio", que deu tamén o termo arrabalde.^[1] O xentilicio é «rabadés/esa» ou «rabadense».^[2]

Demografía

Censo total ²⁰¹⁴	1604 habitantes
Menores de 15 anos	171 (10,66 %)
Entre 15 e 64 anos	998 (62,22 %)
Maiores de 65 anos	435 (27,12 %)

Xeografía

O concello de Rábade está integrado na comarca de Lugo, no cuadrante nordés de Galicia. Situado a 13,5 km de Lugo, o concello limita cos de Begonte polo norte e oeste, e Outeiro de Rei polo leste e sur.

A súa reducida extensión territorial, de 5,2 km², correspóndese con tan só un 0,41 % da comarca, sendo o segundo concello máis pequeno de Galicia^[3]. Ten unha alta densidade de poboación. Está constituído por unha única parroquia e entidade de poboación, a vila de Rábade. Rábade experimentou unha progresiva transformación orientada a converterse nun importante centro de comunicacións e núcleo de servizos, sendo especialmente importante o seu crecemento nas décadas de 1970 e 1980.

Historia

Rábade figura nos itinerarios medievais, concretamente nos traxectos que unían Vilalba e Rábade, por un lado, e Rábade e Parga por outro, na vía romana entre Betanzos e Lugo. Na idade media está datada a ponte antiga de Rábade, concretamente nos séculos XIII-XIV, e sobre esta ponte estableceuse a portaxe ou pago por dereito de paso.

Trala División territorial de España en 1833 Rábade integrouse primeiro no concello de Outeiro de Rei en 1835, e posteriormente no de Begonte, logo da reforma de 1840. En 1925 Rábade converteuse en concello independente ó segregarse de Begonte.

En 1875 inaugurouse o tramo Lugo–A Coruña da liña Palencia-A Coruña, con estación en Rábade, aínda en servizo actualmente. A vila está tamén atravesada pola estrada N-VI, e en paralelo a ela pasa a autovía A-6.