Vilna
| Vilna | ||||
|---|---|---|---|---|
| Entidad subnacional | ||||
 | ||||
| ||||
 Ubicación de Vilna | ||||
| Coordenadas | 54°41′14″N 25°16′48″E / 54.687222222222, 25.28 | |||
| Entidad | Ciá, Gran cidá y Capital nacional | |||
| • País | Prantilla:Geodatos Lituánia | |||
| Superficii | ||||
| • Total | 401 km² | |||
| Altol | ||||
| • Media | 112 y 98 m s. n. m. | |||
| Puebración (1 de heneru de 2023) | ||||
| • Total | 581475 hab. | |||
| • Densidá | 1450,06 hab/km² | |||
| Código postal | 01001 | |||
| Prefijo telefónico | 5 | |||
| https://vilnius.lt/lt/, https://vilnius.lt/en/, https://vilnius.lt/ru/ y https://vilnius.lt/pl/ Sitio web oficial | ||||
Vilna[1] (en lituanu: Vilnius Prantilla:AFI2) es la capital i ciá mas puebrada de Lituaña, assitiá ena provincia omónima. En heneru de 2024 contaba con 602 430 abitantis (708 627 abitantis ena aglomeración urbana).[2]
La ciá s’alcuentra al suresti del país, a unus 30 km dela raya con Bielorrusia, juntu ala confluencia entri los rius Vilnia i Neris. Es la sigunda ciá en quantu a puebración de los paísis bálticus, endispués de Riga. Alministrativamenti, es sedi del conceju de Vilna i del destritu de Vilna. Es tamién la capital dela provincia de Vilna. Amás de sel la capital i ciá mas puebrá, Vilna es d’importancia en quantu alos meyus de comunciación nacionalis, l’arti, la moa, las endustrias d’investigación, tenologia, educación i entretinimientu. A data de 2018 Vilna dissalia pol una crecienti endustria tecnológica i emprendeora, cun gran númiru de nuevas empresas dedicás a las tecnolohias dela enformación.
El su centru estoricu o «cascu antíguu», es unu delos mayoris i mejol conservaus barrius meievalis dela Uropa del Esti, hue nominau Patrimoñu dela Umanidá pola UNESCO en 1994.[3][4] El estilu arquiteutónicu conociu comu Barroco de Vilna leva el nombri dela ciá, que es la ciá barroca mas oriental i la mas grandi al norti delos Alpis.[5]
En 2009 fue Capital Uropea dela Coltura, títulu que compartió cola ciá austriaca de Linz.
Etimolohia
[adital | adital cóigu]El nombri de Vilna s’originó del riu Vilnia, la parabra lituana pa ‘onulación’.[6] El su nombri á teníu várias ortografías derivás en otrus idiomas al largu dela su estoria, comu Vilnalatinu {{{3}}}, Prantilla:Lang-pl, Prantilla:Lang-be (Vilnia), Prantilla:Lang-de, Prantilla:Lang-lv, Prantilla:Lang-uk (Viľno), i Prantilla:Lang-yi (Vilne). El su nombri russu que data del Emperiu Russu y era «Вильна» entri 1919 i 1939,[7] inque ogañu s’gasta «Вильнюс».
Estoria
[adital | adital cóigu].jpg){kind=spacer}
_(2).jpg)
Tuvu nacencia ena tierra de tribus bálticus (eaestii, lituanus), dendi el Prantilla:Sigru, germanas i judias, luegu tamién recibió puebracionis eslavas. Diversas estorias identifican la ciá con Voruta, la capital del rei Mindaugas.
La ciá fue mentá pol primel vezi en forma escrebía nel añu 1323 en cartas del rei Gediminas. El pgañoti centru dela ciá fue un fuerți construíu ena cima dun cotu del Ducau de Lituaña. El rei de Polonia i grandi duqui de Lituaña Vladislao II de Polonia (en lituanu Jogaila; en polacu, Władysław II Jagiełło) concedió a Vilna el derechu de sel ciá en 1387. La puebración dela ciá estava nun primel momentu compuesta por lituanus, inque dejó de sel assina pola llegada de mercaeris i artesanus de diversas nacionaliais. Pocu endispués, la puebración polaca empeçó a dominar la ciá, i el sigundu grupu mas grandi fuerun los judius.
Entri 1503 i 1522, la ciá fue arrrodeá de murus, con nuevi puertas i tres torris. Vilna alcançó el su mássimu desenvolvimientu gracias al reinau del polacu Segismundu II de Polonia (en lituanu: Žygimantas Augustas, en polacu: Zygmunt II August), qu’estableci la su corti própia en 1544. Nelos sigrus vinientis, Vilna creció i se desarrolló entavía mas. Esti crecimientu económicu, promovíu mayolmenti por judius i polacus, pues los lituanus hueran generalmente agricultoris i nu solían abital enas ciais, hizu possibri la hundación dela Universidá de Vilna por Estebán I de Polonia (en lituanu: Steponas Batoras, en polacu: Stefan Batory) i jesuitas españolis en 1579. La Universidá de Vilna s’hizu unu delos mayoris centrus científicus i colturalis dela región báltica i el mas emportanti nel [[Grandi Ducau de Lituaña». Yera una universidá de palra polaca, lo que sinifica que la Universidá de Vilna yera la sigunda universidá polaca mas antigua endispués dela Universidá Jaguelónica de Cracovia, hundá en 1364. La via política i económica dela ciá conoció un grandi desenvolvimientu. En 1769, hueri hundau el cementeriu de Rasos (en lituanu: Rasų kapinės), unu delos mas antíguus del Uropa.
_(34065617).jpg)
Grácias al su rápidu desenvolvimientu, la ciá acogió inmirantis tantu del esti comu del oesti. Hueri assina comu s’allegarun a establecer comuniiais de polacus, lituanus, bielorrusus, judius, russus, alemanus, ucranianus i de unus tantarus. Estis inmiracionis a Lituaña i Polonia empeçarun duranti el sigru XIV i durun ata el final del sigru XVII. Cada etnia contribuyó a la via multicoltural dela ciá; en aquel tiempu prosperaban las artesanias, el comerciu i la cencia. En 1655, duranti la invasión dela Repúbrica de las Dos Nacionis, Vilna hueri conquistá por los russus, que la saciarun i la incendiaron masacrandu a la puebración i provocandu un éssodu al campu dela puebración restanti. El crecimientu dela ciá se detuvu duranti mucius añus, i nu hueri ata prencepius del sigru XIX quandu la puebración dela ciá aumentó consierabrementi grácias al comerciu i las exportacionis comandaás prencipalmenti por judius i polacus, comu pa ubicala comu la tercel ciá dela Uropa oriental.
Tras la Tercel partición de Polonia en 1795, Vilna hueri anexioná a Russia i s’hizu la capital dun governación. Los russus derribarun los murus dela ciá; en 1805 namás quedaba en pii la puerta oriental Puerta dela Aurora (Aušros vartai, Medininkų vartai en lituanu, Ostra Brama en polacu). En 1812, la ciá hueri invadía por Napoleón duranti el su avanci cara Moscú. Endispués del final dela campaña napoleónica, el Grandi Ejércitu se retiró a una çona andi millaris de sulaus francesis huerun enterrás enas tricheras que hueran construíu mesis antis. Tras la Levantamientu polacu de Noviembri, en 1831, la universidá hueri zarrá i las represionis bluquearun el crecimientu dela ciá. Duranti la Levantamientu polacu de Eneru en 1863, s’empeçó una nueval revuelta ena ciá contra el governu, que hueri soficá brutalmenti por Mijaíl Muraviov. Al finalizal la revuelta, se restringierun las libertalis ciutaanas i se prohibió el gastu del polacu, preominanti en toa Lituaña, el lituanu i el bielorrusu, adoptandu-si el russu comu luenga oficial.
Duranti la Primel Guerra Mundiál, Vilna hueri ocupá por los alemanus dendi 1915 ata 1918. El 16 de hebreru de 1918, se proclamó la endependencia de Lituaña. Endispués dela retirada delas tropas alemanas, una unidá d’autodefensa reclutá entri voluntarius polacus dela localidá la controló duranti un brevi periolu. Pocu tiempu endispués, la ocuparun los bolcheviquis, eligiendu-la comu capital dela efímera Repúbrica Socialista Soviética Lituanu-Bielorrusa. El 19 d’abril, el ejércitu polacu la reconquistó, peru el 14 de júliu d’essi mesmu añu la retomarun los soviéticus.
Pocu endispués dela retirada del Ejércitu Roju, venciu ena batalla de Varsovia, se conseguió que la ciá sea entregá a la destrúia Lituaña. El 20 de júliu de 1920, nel tratáu de pas entri Lituaña i la Russia bolcheviqui, se reconoció a Vilna comu capital dela Repúbrica de Lituaña. El 9 d’octubri de 1920, la división lituanu-bielorrusa del ejércitu polacu, al mandu del general Lucianu Zeligovski Lucjan Żeligowski, ocupó la ciá, endispués de sel producíu un motín. Es assina comu se proclamó un nuevu Estau, la Lituaña Central (Litwa Środkowa), constituíu pola ciá i los territorius roeantis. El Parlamentu del nuevu Estau, elegíu meianti comícius libris el 20 de hebreru de 1922, proclamó la anexión de Vilna a Polonia. Vilna devinu entoncis ena capital del Voivodato de Wilno (Vilna). Las autoriais lituanas de Kaunas, la nuevi capital de Lituaña, se negarun a reconocel la anexión de Vilna a Polonia; comu consequencia, en 1938 se rompierun las relacionis diplomáticas entri dambus dos paísis, quedandu Vilna anexioná a Polonia i renegandu de Vilna el restu delos lituanus.
Estandu al margu del restu de Lituaña, grácias al control alministrativu de Polonia i las inversiónis de polacus i judius, la ciá vuelvi a conocel un periolu de claru esprendor, de crecimientu i desenvolvimientu. La universidá hueri reabierta con el nombri de Universidá de Estebán Batoras (Universitetas Stefan Batory). Amás, las infraestruturas urbanas mejorarun sinificativamenti, se construyerun majestuosus edificius, s’instalarun aceras i nuevis callis adoquinás cuidosamenti, lo que dió a la ciá un aspettu moernu, limpio i agradabri. En 1931, Vilna contaba con 195 000 abitantis, delos que 55 000 huerun judius; yera la quinta ciá de Polonia i nel mundu hebreu, pola su emportancia, hueri llamá la «Jerusalén del Norti». En 1931, Vilna estava abitá por un 66 % de polacus, un 28 % de judius, un 5 % de russus i bielorrusus, i los lituanus constituían menus del 1 % delos abitantis dela ciá.
Esti crecimientu económicu grácias a los negocius, exportacionis i importacionis en manus de judius i polacus seguía aumentandu ata tal puntu qu'en pocu tiempu Vilna empeçó a sel un lugal mu emportanti drentu del ámbitu económicu de Polonia pola su cercanía al norti i sobri todu al restu Lituaña i Unión Soviética. En contrassi, mucius lituanus, con apreciabri envia empeçarun a protestar i manifestar-si pues la imahin de crecimientu económicu i nivel de via dela Vilna del momentu yera claramenti superiol al que gozaban las regionis que hormaban parti de Lituaña, que duranti essi tiempu nu á crecíu práuticamenti ná al dedicar-si a la agricultura prencipalmenti.
Endispués de firmar-si el pactu secretu de Mólotov-Ribbentrop, el Ejércitu roju invadió la Polonia Oriental. Vilna hueri ocupá el 19 de setiembri de 1939. Al prencepiu los soviéticus intentarun convertil Vilna ena capital dela Repúbrica Socialista Soviética de Bielorrusia, peru alcontrarun que yera mas oportunu devolver-va-la al Governu lituanu que la reclamaba a cambiu de permitil a las tropas soviéticas que permanecieran nel país bálticu. Esta uferta, presentá comu un pactu d’amistá entri los dos paísis, tenia comu pesqui ayual a los comunistas lituanus a ganal popularidá. Una vezi entregá la ciá, el 10 d’octubri de 1939, Lituaña sorprendió a los soviéticus dandu marcha atrás nel acuerdu. Nel momentu en que las guarnicionis soviéticas lo supuerun, la soberania lituana quedó amenazá. Los soviéticus entoncis les presentarun el acuerdu comu un ultimátum, afirmandu que el Ejércitu roju pudría entral en Lituaña en qualqui momentu i arrasala completamenti. El Governu lituanu hubu de ceder a la presión, conseguiendu obtenel al menus que el númiru de sulaus desplegaus nel territoriu lituanu hueri menol al programau enicialmenti por Moscú.
El 10 d’octubri de 1939, Vilna i las áreas roeantis huerun anexionás a Lituaña, mentris que las tropas soviéticas s’apoderarun de nuevis basis en várias partis del país. Las autoriais lituanas entrarun en Vilna pocu endispués i las estruturas governamental empeçarun a desplazar-si de Kaunas a Vilna.
En juniu de 1940, quandu la transferencia dela capital entavía nu s’ábiu completau, debíu a la traición nel pactu d’amistá entri la Unión Soviética i Lituaña asaecía mesis antis, esta hueri ocupá totalmenti por aquella, que instauró un governu comunista. Vilna s’hizu entoncis la capital dela recién proclamá Repúbrica Socialista Soviética de Lituaña. Entri 35 000 i 40 000 pressonas huerun arrestás pola Comisaría del Puebru pa Assuntus Internus NKVD i enviás a los campos de trabagu o gulags.
En Alemania, el 22 de juniu de 1941, por orden de Hitler, empeçó la Operación Barbarroja pa ocupal la Unión Soviética. Al tercel dia dela operación, Alemania ocupó Vilna. Los lituanus salierun a las callis a dal la bienvenía a los alemanus pola su llegá, con grandis muestras de júbilo i vítoris llamandu-lis salvadoris. Las tropas alemanas hueran siguías por los Escuadronis dela Muerti del Einsatzgruppen A, la tristementi conociá división dela Waffen-SS, quién s’ocupaban del esterminiu delas puebracionis judías delos paísis ocupaus. En pocu tiempu, los judius residentis en Vilna i Kaunas huerun obligaus a leval el brazaleti cona estrella de David i se les prohibierun mucias cosas, igual que los alemanus yá hueran hechu con judius de otrus lugalis de Polonia i Alemania.
Entri el 4 i el 20 de júliu de 1941 los alemanus asesinarun a cincu mil judius nelos boscus de Panerai. El 31 d’agostu hubu mas asesinatus, aproximadamente de tres mil quinientus judius, nuevamenti en Panerai. Las tropas auxiliaris localis lituanas del réhimin d’ocupación nazi llevaron a cabu lohística pa la preparación i la ejecución delos asesinatus baju la direción delos nazis. El 24 de juniu de 1941, la Policía de Seguridá lituana (Lietuvos saugumo policija) se subordinó a la Waffen-SS baju la Policía de Seguridá alemana, en lituanu Vokiečių Saugumo policijos, en polacu Specjalny Oddział SD i se crió la Policía Criminal dela Alemania Nazi, que se participó en diversas accionis contra los judius i otrus enemigus del réhimin nazi, gitanus, discapacitaus, russus i vagabundus. La unidá lituana mas conociá que participó nel Holocaustu hueri el pelotón lituanu del Sonderkommando del área de Vilna (en lituanu Ypatingasis būrys), ena que murierun dezenas de millaris de judius, polacus i otrus, ena masacre de Panerai. Otra organización lituana implicá nel Holocaustu hueri la Guardia de Trabagu lituana. Mucius partidarius lituanus delas políticas nazis provinían dela organización fascista Lobu de Hierru. En general, la alministración nacionalista lituana estava mu enteressá ena liquiación delos judius que consideraban comu enemigus i rivalis delos lituanus étnicus, les acusaban aber robau la economía del país duranti sigrus i, pol tantu, nu namás nu s’oponían a la política nazi del Holocaustu sinu que, de hechu, la adoptarun comu própia.
Nel cascu antíguu se criarun dos guetus pa la numerosa puebración judía. Los abitantis del menol delos guetus huerun asesinaus o deportaus en octubri de 1941. El sigundu guetu sobrevivió ata 1943, inque la su puebración hueri regularmenti reducía por meyu delas Aktionen. Tras la revuelta fallía delos abitantis del guetu el 1 de setiembri de 1943, el guetu hueri aniquilau.
Nel complehu, alreol del 95 % de puebración judía local hueri asesiná. Mucius delus figuran entri las víctimas delas ejecucionis en massa en Panerai, a diezi quilómetrus al oesti del cascu antíguu. La grandi parti delas otras treinta mil víctimas hueran polacus, pressonarus de guerra, entelectualis o biembrus dela resistencia polaca. En júliu de 1944 la Armia Krajowa de Polonia i enseguia el Ejércitu Roju dela Unión Soviética entrarun en Vilna, que volvi de imediatu a sel la capital dela restaurada Repúbrica Socialista Soviética de Lituaña. En total aproximadamente nel holocaustu de Vilna huerun asesinaus 70.000 judius, de Kaunas 30.000 i otrus: polacus, bielorrusus, russus, gitanus, etc.
Nu toa la puebración lituana apoyó los asesinatus. De una puebración de cerqua de tres millonis de abitantis (el 80 % dela mesma hueran lituanus étnicus) unus millaris tomarun parti mu activa nel Holocaustu, mentris que unus cientus delus, de un nivel entelectual meyu-altu, arrisgarun las sus vias arrecucandu a mucius judius. Mucius biembrus dela minoría polaca en Lituaña tamién ayuarun a protegel a los judius. Mucius lituanus i polacus que arrisgarun las sus vias por salval a los judius huerun denunciás por los sus própius paisanus, perseguius i en ocasionis, ejecutaus por los nazis. Israel á reconociu a 723 lituanus comu «Justus entri las Nacionis» por arrisgal las sus vias pa salval a los judius duranti el Holocaustu.
Tras la Sigunda Guerra Mundiál, el governu soviético decidi repatrial a todas las pressonas de orihin polacu residentis en Lituaña i Bielorrusia. Esta situación, juntu con el esterminiu delos judius, s’hizu las mayoris causis del cambiu ena demohrafía dela ciá. La mayolía delos polacus huerun espulsaus dela própia Vilna, inque dezenas de millaris de polacus permanecierun ena ciá. Namás unus polacus huerun espulsaus dela región de Vilnius, pol lo que en mucius lugalis son mayolía ata el dia d’ogañu. Namás endispués de 1960 la puebración dela ciá empeçó a crecel en abitantis rápidamenti grácias a la inmiración de campesinus del interiol de Lituaña.
El 11 de marçu de 1990, el Sóviet Supremu dela Repúbrica Socialista Soviética de Lituaña proclamó la su endependencia dela