ober fae

Brezhoneg

Gerdarzh

Savet diwar ar verb ober hag an anv-kadarn fae.

Troienn verb

ober fae /ˈoːbɛr‿ˈfɛː/

1. Ober fae war ub pe udb : disprizout unan bennak pe un dra bennak:
   • Ha ne welit-hu ket dre gement-se pegement a fae a rae an dud war Ganclaux ha pegement a stad ac'hanomp-ni. — (Lan Inizan, Emgann Kergidu 1, Brest, 1877, eil emb. Al Liamm 1977, p. 227.)
   • C'hoant hoc'h eus da lavaret ne rit ket a fae war ar Republik? — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 53.)
   • [...] hag en deuz c'hoant da ober fae var ar maro, evel ma tere ouc'h eur guir soudard. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 94.)
   • Ar c'hozh tamm den bihan, treut e welet, a zo aze en ho kichen, arabat deoc'h ober fae warnañ, nag ober goap anezhañ. — (Mab an Dig, Rondel Goz Sandrione, Bleun-Brug, niv. 96, Genver-C'hwevrer 1957, p. 8.)
   • Honnezh he devoa graet fae war ma c'heniterv. — (Jules Gros, Le trésor du breton parlé Deuxième Partie, 1970, p. 156.)
   • Gouzout a rae ober fae war galvoù ar c'hig. — (Youenn Drezen, Sizhun ar Breur Arturo, Al Liamm, 1971, p. 38.)
   • Aotreet e oa Laouig da zastum an avaloù en un toullad kêrioù 'lec'h ma veze graet fae war hengounioù kozh ar vro, ... — (Youenn Kervalan, Dremmoù Arrasate, Embannadurioù Al Lanv, 2009, p. 45.)
   • - Goulennet em eus, eme ar maer, oc'h ober fae war gomzoù an aotrou, digant daou zen gouiziek dont da zirouestliñ deomp ar gudenn. — (Goulc'han Kervella, Brezel ar Rigadell, Al Liamm, 1994, p. 20.)
   • - Petra ! eme ar roue. Mab eur pesketaer ne deo ket dioc'h da zere, hep ober fae war e ouenn. — (G. MILIN, Gwechall-goz e oa..., Kemper, 1924, p. 44.)
   • Mallozhiñ a rae ivez ken ma sponte ar brini, ha ne rae fae war ar butun-karot na war an hini-kreñv. — (Jarl Priel, Va Zammig Buhez, Al Liamm, 1954, p. 20.)
   • ..., rak er c'houlz-se ne rae ket fae va avu war ar seurt druzoni, ... — (Jarl Priel, Amañ hag Ahont, Al Liamm, 1957, p. 1.)
   • Kaer he devoa ober fae war skiant he fried, [...]. — (Jarl Priel, An Teirgwern Pembroke, Al Liamm, 1959, p. 18.)
   • Na gredit ket emaon oc'h ober fae war va bro : ... — (Jakez Riou, An Ti Satanazet, Skridoù Breizh, 1944, p. 10.)
   • Pec'hed ober fae war rom ken ker. — (Jakez Riou, Geotenn ar Werc'hez ha danevelloù all, Al Liamm, 1957, p. 16.)
2. ober fae ouzh ub pe udb : Disprizout unan bennak pe un dra bennak
   • Me ra fae outañ ’vel anout-te,
     ’Vel deus da gleze, ’vel deus da re. — (Lez-Breiz, er Barzhaz Breizh.)

Krennlavarioù

• Na war gouevr, na war aour
  War netra ne ra fae ar paour. — (Jarl Priel, An Teirgwern Pembroke, Al Liamm, 1959, p. 185.)

Troidigezhioù

• mépriser ^(fr)