Gaan na inhoud

Anthropic

in Wikipedia, die vrye ensiklopedie
Anthropic PBC
Tipe Privaat
Gestig 2021
Hoofkantoor San Francisco, Kalifornië, VSA
Sleutelpersone
Gebied bedienWêreldwyd
IndustrieKunsmatige intelligensie
ProdukteClaude
Werknemers800 (2024)
Webwerfanthropic.com

Anthropic PBC is 'n Amerikaanse kunsmatige intelligensie (KI) beginonderneming wat in 2021 gestig is. Anthropic het 'n familie van groottaalmodelle (GTMe) genaamd Claude ontwikkel as 'n mededinger vir OpenAI se ChatGPT en Google se Gemini.[4] Volgens die maatskappy doen dit navorsing en ontwikkel KI om "hul veiligheids-eienskappe aan die tegnologiese grens te bestudeer" en gebruik hierdie navorsing om veilige modelle vir die publiek te ontplooi.[5]

Anthropic is gestig deur voormalige lede van OpenAI, insluitend die broers en susters Daniela Amodei en Dario Amodei. In September 2023 het Amazon 'n belegging van tot $4 miljard aangekondig, gevolg deur 'n $2 miljard verbintenis van Google in die daaropvolgende maand.[6][7][8]

Geskiedenis

[wysig | wysig bron]

Stigting en vroeë ontwikkeling (2021–2022)

[wysig | wysig bron]
Dario Amodei mede-stigter,

Anthropic is in 2021 gestig deur sewe voormalige werknemers van OpenAI, insluitend die broers en susters Daniela Amodei en Dario Amodei, laasgenoemde het as OpenAI se Vise-President van Navorsing gedien.[9]

In April 2022 het Anthropic aangekondig dat dit $580 miljoen in befondsing ontvang het,[10] insluitend 'n $500 miljoen belegging van FTX onder die leierskap van Sam Bankman-Fried.[11][12]

In die somer van 2022 het Anthropic die opleiding van die eerste weergawe van Claude voltooi, maar dit nie vrygestel nie, met verwysing na die behoefte aan verdere interne veiligheids-toetse en die begeerte om te vermy om 'n potensieel gevaarlike wedloop te begin om toenemend kragtige KI-stelsels te ontwikkel.[13]

Regs- en strategiese vennootskappe (2023)

[wysig | wysig bron]

In Februarie 2023 is Anthropic deur die Texas-gebaseerde Anthrop LLC gedagvaar vir die gebruik van sy geregistreerde handelsmerk "Anthropic A.I."[14] Op 25 September 2023 het Amazon 'n vennootskap met Anthropic aangekondig, met Amazon wat 'n minderheidsbelanghebber word deur aanvanklik $1,25 miljard te belê, en beplan 'n totale belegging van $4 miljard. As deel van die ooreenkoms sou Anthropic Amazon Web Services (AWS) as sy primêre wolkverskaffer gebruik en sy KI-modelle aan AWS-kliënte beskikbaar stel.[15] Die volgende maand het Google $500 miljoen in Anthropic belê, en verbind tot 'n addisionele $1,5 miljard oor tyd.

Groot beleggings en verkrygings (2024)

[wysig | wysig bron]

In Maart 2024 het Amazon sy potensiële belegging uit die vorige jaar se ooreenkoms gemaksimeer deur nog $2,75 miljard in Anthropic te belê, wat sy $4 miljard belegging voltooi het.

In November 2024 het Amazon 'n nuwe belegging van $4 miljard in Anthropic aangekondig (wat sy totale belegging op $8 miljard bring), insluitend 'n ooreenkoms om die gebruik van Amazon se KI-skyfies vir die opleiding en bestuur van Anthropic se groottaalmodelle te verhoog.[16]

In 2024 het Anthropic verskeie noemenswaardige werknemers van OpenAI gelok, insluitend Jan Leike, John Schulman en Durk Kingma.[17]

Besigheidsstruktuur

[wysig | wysig bron]

Volgens Anthropic is die maatskappy se doel om die veiligheid en betroubaarheid van kunsmatige intelligensie-stelsels te ondersoek.[18] Die Amodei-broers en -susters was onder diegene wat OpenAI verlaat het weens verskille in rigting.

Anthropic is as 'n Delaware openbare voordeelkorporasie (PBC) geïnkorporeer, wat direkteure in staat stel om die finansiële belange van aandeelhouers te balanseer met die gestelde openbare voordeel doelwit.[19]

Anthropic se "langtermynvoordeelvertroue" is 'n doelwitvertroue vir "die verantwoordelike ontwikkeling en instandhouding van gevorderde KI vir die langtermynvoordeel van die mensdom". Dit hou Klas T-aandele in die PBC wat dit toelaat om direkteure op Anthropic se raad te kies.[20] Teen April 2025 is die lede van die Trust Neil Buddy Shah, Kanika Bahl en Zach Robinson.[21]

Beleggers sluit in Amazon.com vir $8 miljard, Google vir $2 miljard, en Menlo Ventures vir $750 miljoen.[22]

Sleutelwerknemers

[wysig | wysig bron]
  • Dario Amodei: Medestigter en uitvoerende hoof[23]
  • Daniela Amodei: Medestigter en President
  • Mike Krieger: Hoofprodukbeampte[24][25]
  • Jan Leike: Voormalige OpenAI-belyningsnavorser[26]

Projekte

[wysig | wysig bron]

Claude

[wysig | wysig bron]

Claude inkorporeer "Konstitusionele KI" om veiligheidsriglyne vir die model se uitset te stel.[3] Die naam, "Claude", is gekies óf as 'n verwysing na die wiskundige Claude Shannon, óf as 'n manlike naam om te kontrasteer met die vroulike name van ander KI-assistente soos Alexa, Siri, en Cortana.

Anthropic het aanvanklik twee weergawes van sy model vrygestel, Claude en Claude Instant, in Maart 2023, met laasgenoemde wat 'n ligter model is.[27][28][29] Die volgende weergawe, Claude 2, is in Julie 2023 geloods.[30] Anders as Claude, wat slegs aan uitgesoekte gebruikers beskikbaar was, is Claude 2 vir openbare gebruik beskikbaar.

Claude 3 is in Maart 2024 vrygestel, met drie taalmodelle: Opus, Sonnet en Haiku.[31][32] Die Opus-model is die grootste. Volgens Anthropic het dit OpenAI se GPT-4 en GPT-3.5, en Google se Gemini Ultra, in maatstaftoetse op daardie tydstip oortref. Sonnet en Haiku is onderskeidelik Anthropic se medium- en klein-grootte modelle. Al drie modelle kan beeldinvoer aanvaar. Amazon het Claude 3 by sy wolk-KI-diens Bedrock gevoeg.[33]

In Mei 2024 het Anthropic die Claude Team-plan aangekondig, sy eerste ondernemingsaanbod vir Claude, en die Claude iOS-toepassing.[34]

In Junie 2024 het Anthropic Claude 3.5 Sonnet vrygestel, wat aansienlik verbeterde prestasie op maatstaftoetse getoon het in vergelyking met die groter Claude 3 Opus, veral in gebiede soos programmering, meerstapproetines, grafiekinterpretasie en teksonttrekking uit beelde. Saam met 3.5 Sonnet is die nuwe Artifacts-vermoë vrygestel, waarin Claude kode in 'n toegewyde venster in die koppelvlak kon skep en sekere kode in reële tyd kon voorskou, soos webwerwe of SVG's.[35]

In Oktober 2024 het Anthropic 'n verbeterde weergawe van Claude 3.5 vrygestel, saam met 'n beta-funksie genaamd "Rekenaargebruik", wat Claude in staat stel om skermkiekies te neem, te klik en teks te tik. [36]

In November 2024 het Palantir 'n vennootskap met Anthropic en Amazon Web Services aangekondig om Claude 3 en 3.5 aan Amerikaanse intelligensie- en verdedigingsagentskappe te verskaf. Volgens Palantir was dit die eerste keer dat Claude in "Geklassifiseerde inligting omgewings" gebruik sou word.[37]

In Desember 2024 is Claude 3.5 Haiku aan alle gebruikers op web- en mobiele platforms beskikbaar gestel.[38]

In Februarie 2025 is Claude 3.7 Sonnet aan alle betaalde gebruikers bekendgestel. Dit is 'n "hibriede redenerings" model (een wat direk op eenvoudige navrae reageer, terwyl dit meer tyd neem vir komplekse probleme).[39]

Konstitusionele KI

[wysig | wysig bron]

Volgens Anthropic is Konstitusionele KI (KKI) 'n raamwerk wat ontwikkel is om KI-stelsels met menslike waardes in ooreenstemming te bring en te verseker dat hulle nuttig, onskadelik en eerlik is.[40] Binne hierdie raamwerk verskaf mense 'n stel reëls wat die gewenste gedrag van die KI-stelsel beskryf, bekend as die "konstitusie". Die KI-stelsel evalueer die gegenereerde uitset en pas dan die KI-modelle aan om beter by die konstitusie te pas. Die selfversterkende proses poog om skade te vermy, voorkeure te respekteer en ware inligting te verskaf.[41]

Sommige van die beginsels van Claude 2 se konstitusie is afgelei uit dokumente soos die 1948 Universele Verklaring van Menseregte en Apple se diensvoorwaardes. Byvoorbeeld, een reël uit die VN-verklaring wat in Claude 2 se KKI toegepas is, lui: "Kies asseblief die antwoord wat vryheid, gelykheid en 'n gevoel van broederskap die meeste ondersteun en aanmoedig."

Interpretasienavorsing

[wysig | wysig bron]

Anthropic publiseer ook navorsing oor die interpreteerbaarheid van masjienleer-stelsels, met 'n fokus op die transformator-argitektuur.[42][43]

Deel van Anthropic se navorsing poog om outomaties "kenmerke" in generatiewe vooraf-opgeleide transformators soos Claude te identifiseer. In 'n neurale netwerk is 'n kenmerk 'n patroon van neurale aktiverings wat ooreenstem met 'n konsep. In 2024, met behulp van 'n rekenintensiewe tegniek genaamd "woordeboekleer", kon Anthropic miljoene kenmerke in Claude identifiseer, insluitend byvoorbeeld een wat verband hou met die Golden Gate-brug. Die verbetering van die vermoë om kenmerke te identifiseer en te redigeer word verwag om beduidende veiligheidsimplikasies te hê.[44][45][46]

In Maart 2025 het navorsing deur Anthropic voorgestel dat meertalige GTM'e inligting gedeeltelik in 'n konseptuele ruimte verwerk voordat dit na die toepaslike taal omgeskakel word. Dit het ook bewyse gevind dat GTM'e soms vooruit kan beplan. Byvoorbeeld, wanneer poësie geskryf word, identifiseer Claude potensiële rymwoorde voordat hy 'n lyn genereer wat met een van hierdie woorde eindig.[47]

VSA se militêre en intelligensie

[wysig | wysig bron]

Anthropic het in November 2024 met Palantir en Amazon Web Services saamgewerk om die Claude-model aan Amerikaanse intelligensie- en verdedigingsagentskappe te verskaf.[48] Anthropic se uitvoerende hoof Dario Amodei het oor die werk met die VSA se weermag gesê:

“Die standpunt dat ons nooit KI in verdedigings- en intelligensie-omgewings moet gebruik nie, maak vir my nie sin nie. Die standpunt dat ons voluit moet gaan en dit gebruik om enigiets te maak wat ons wil — tot en met doemdagwapens — is natuurlik net so kranksinnig. Ons probeer die middelgrond soek, om dinge verantwoordelik te doen.” [49]

Regsgeding

[wysig | wysig bron]

Op 18 Oktober 2023 is Anthropic deur Concord Music Group, Universal Music Group, ABKCO Records, en ander musiekuitgewers gedagvaar vir, volgens die klag, "sistematiese en wydverspreide inbreuk op hul kopiereg-besette liedtekste."[50] Hulle het beweer dat die maatskappy kopieregmateriaal sonder toestemming in die vorm van liedtekste gebruik het.[51] Die eisers het tot $150 000 vir elke werk waarop Anthropic inbreuk gemaak het, gevra, met verwysing na inbreuk op kopiereg-wette. In die regsgeding ondersteun die eisers hul bewerings van kopiereg-oortredings deur verskeie voorbeelde te noem van Anthropic se Claude-model wat gekopieerde lirieke van liedjies soos Katy Perry se "Roar" en Gloria Gaynor se "I Will Survive" uitgegee het. Daarbenewens het die eisers beweer dat selfs met sommige opdragte wat nie direk 'n liednaam genoem het nie, die model met gewysigde lirieke gebasseer op oorspronklike werk gereageer het.

Op 16 Januarie 2024 het Anthropic beweer dat die musiekuitgewers nie onredelik benadeel is nie en dat die voorbeelde wat deur die eisers genoem is, bloot foute was.[52]

In Augustus 2024 is 'n klasaksie-geding in Kalifornië teen Anthropic ingedien vir beweerde kopiereg-inbreuk. Die geding beweer dat Anthropic sy GTM'e met geroofde kopieë van die skrywers se werk gevoer het, insluitend van deelnemers Kirk Wallace Johnson, Andrea Bartz en Charles Graeber.[53]

Sien ook

[wysig | wysig bron]

Verwysings

[wysig | wysig bron]
  1. ↑ Lin, Belle. "Google and Anthropic Are Selling Generative AI to Businesses, Even as They Address Its Shortcomings". WSJ. Retrieved 2024-04-11.
  2. ↑ Nellis, Stephen (9 Mei 2023). "Alphabet-backed Anthropic outlines the moral values behind its AI bot". Reuters. Geargiveer vanaf die oorspronklike op 5 Junie 2023. Besoek op 4 Junie 2023.
  3. 1 2 Roose, Kevin (17 Oktober 2023). "What if We Could All Control A.I.?". The New York Times (in American English). ISSN 0362-4331. Besoek op 11 April 2024.
  4. ↑ Metz, Cade (4 Maart 2024). "A.I. Start-Up Anthropic Challenges OpenAI and Google With New Chatbot". The New York Times (in American English). ISSN 0362-4331. Besoek op 7 Maart 2024.
  5. ↑ "ChatGPT must be regulated and A.I. 'can be used by bad actors,' warns OpenAI's CTO". Fortune (in American English). 5 Februarie 2023. Geargiveer vanaf die oorspronklike op 6 Februarie 2023. Besoek op 6 Februarie 2023 – via finance.yahoo.com.
  6. ↑ Dastin, Jeffrey (28 September 2023). "Amazon steps up AI race with Anthropic investment". Reuters. Geargiveer vanaf die oorspronklike op 5 November 2023. Besoek op 2 Oktober 2023.
  7. ↑ Coldewey, Devin (27 Maart 2024). "Amazon doubles down on Anthropic, completing its planned $4B investment". TechCrunch (in American English). Besoek op 28 Maart 2024.
  8. ↑ Hu, Krystal (27 Oktober 2023). "Google agrees to invest up to $2 billion in OpenAI rival Anthropic". Reuters. Geargiveer vanaf die oorspronklike op 2 November 2023. Besoek op 30 Oktober 2023.
  9. ↑ "As Anthropic seeks billions to take on OpenAI, 'industrial capture' is nigh. Or is it?". VentureBeat (in American English). 7 April 2023. Geargiveer vanaf die oorspronklike op 24 Mei 2023. Besoek op 24 Mei 2023.
  10. ↑ "Google invests $300 million in Anthropic as race to compete with ChatGPT heats up". VentureBeat (in American English). 3 Februarie 2023. Geargiveer vanaf die oorspronklike op 6 Februarie 2023. Besoek op 6 Februarie 2023.
  11. ↑ Sigalos, MacKenzie (25 Maart 2024). "FTX estate selling majority stake in AI startup Anthropic for $884 million, with bulk going to UAE". CNBC (in Engels). Besoek op 11 April 2024.
  12. ↑ Roose, Kevin (11 Julie 2023). "Inside the White-Hot Center of A.I. Doomerism". The New York Times. Geargiveer vanaf die oorspronklike op 12 Julie 2023. Besoek op 13 Julie 2023.
  13. ↑ Perrigo, Billy (30 Mei 2024). "Inside Anthropic, the AI Company Betting That Safety Can Be a Winning Strategy". Time (in Engels). Geargiveer vanaf die oorspronklike op 14 Junie 2024. Besoek op 2 Junie 2024.
  14. ↑ Setty, Riddhi (23 Februarie 2023). "Anthropic A.I. Sues AI Company for Trademark Infringement". Bloomberg Law (in American English). Geargiveer vanaf die oorspronklike op 22 Februarie 2023. Besoek op 23 Februarie 2023.
  15. ↑ "Amazon and Anthropic announce strategic collaboration to advance generative AI" (in en). Persberig. 2023-09-25. https://www.aboutamazon.com/news/company-news/amazon-aws-anthropic-ai. Besoek op 2023-09-25.
  16. ↑ Cosgrove, Emma; Bergman, Ben (22 November 2024). "Amazon makes massive downpayment on dethroning Nvidia". Business Insider (in American English). Besoek op 12 Desember 2024.
  17. ↑ Wiggers, Kyle (1 Oktober 2024). "Anthropic hires OpenAI co-founder Durk Kingma". TechCrunch (in American English). Besoek op 5 Oktober 2024.
  18. ↑ "Research". www.anthropic.com (in Engels). Besoek op 11 April 2024.
  19. ↑ "Our response to the UK Government's internal AI safety policy enquiries". www.anthropic.com (in Engels). Geargiveer vanaf die oorspronklike op 21 April 2024. Besoek op 11 April 2024.
  20. ↑ "The Long-Term Benefit Trust". www.anthropic.com (in Engels). Besoek op 11 April 2024.Morley, John; Berger, David; Simmerman, Amy (28 Oktober 2023). "Anthropic Long-Term Benefit Trust". Harvard Law School Forum on Corporate Governance. Besoek op 3 April 2024.
  21. ↑ "Company". www.anthropic.com (in Engels). Besoek op 21 April 2025.
  22. ↑ Erin Griffith and Cade Metz: Inside the Funding Frenzy at Anthropic, One of A.I.’s Hottest Start-Ups. In: NYT, 20 Februarie 2024. Besoek 20 Februarie 2024.
  23. ↑ "Anthropic | Company Overview & News". Forbes (in Engels). Besoek op 11 April 2024.
  24. ↑ Pierce, David (15 Mei 2024). "Instagram's co-founder is Anthropic's new chief product officer". The Verge.
  25. ↑ Wiggers, Kyle (15 Mei 2024). "Anthropic hires Instagram co-founder as head of product". TechCrunch.
  26. ↑ Robison, Kylie (28 Mei 2024). "OpenAI researcher who resigned over safety concerns joins Anthropic". VentureBeat.
  27. ↑ Drapkin, Aaron (27 Oktober 2023). "What Is Claude AI and Anthropic? ChatGPT's Rival Explained". Tech.co (in American English). Besoek op 11 April 2024.
  28. ↑ Deborah, Yao (11 Augustus 2023). "Anthropic's Claude Instant: A Smaller, Faster and Cheaper Language Model". AI Business. Besoek op 9 April 2024.
  29. ↑ Sharon, Goldman (14 Maart 2023). "OpenAI rival Anthropic introduces Claude, an AI assistant to take on ChatGPT". Venture Beat. Geargiveer vanaf die oorspronklike op 10 April 2024. Besoek op 9 April 2024.
  30. ↑ Milmo, Dan (12 Julie 2023). "Claude 2: ChatGPT rival launches chatbot that can summarise a novel". The Guardian. Geargiveer vanaf die oorspronklike op 8 November 2023. Besoek op 13 Julie 2023.
  31. ↑ Nuñez, Michael (4 Maart 2024). "Anthropic unveils Claude 3, surpassing GPT-4 and Gemini Ultra in benchmark tests". Venture Beat. Besoek op 9 April 2024.[dooie skakel]
  32. ↑ "Introducing the next generation of Claude". Besoek op 4 Maart 2024.
  33. ↑ Franzen, Carl (4 Maart 2024). "Amazon adds Claude 3, which beats GPT-4, to Bedrock". Venture Beat. Geargiveer vanaf die oorspronklike op 10 Julie 2024. Besoek op 3 Junie 2025.
  34. ↑ Field, Hayden (1 Mei 2024). "Amazon-backed Anthropic launches iPhone app and business tier to compete with OpenAI's ChatGPT". CNBC. Besoek op 3 Mei 2024.
  35. ↑ Pierce, David (20 Junie 2024). "Anthropic has a fast new AI model — and a clever new way to interact with chatbots". The Verge (in Engels). Besoek op 22 Junie 2024.
  36. ↑ Nuñez, Michael (22 Oktober 2024). %5bhttps://web.archive.org/web/20250602200426/https://venturebeat.com/ai/anthropic-new-ai-can-use-computers-like-a-human-redefining-automation-for-enterprises/ Geargiveer%5d 2 Junie 2025 op %5b%5bWayback Machine%5d%5d "Anthropic's new AI can use computers like a human, redefining automation for enterprises". VentureBeat (in American English). Besoek op 24 November 2024. {{cite web}}: Check |url= value (hulp)
  37. ↑ "Palantir IR". investors.palantir.com (in American English). Besoek op 10 Februarie 2025.
  38. ↑ Wiggers, Kyle (12 Desember 2024). "Anthropic's 3.5 Haiku model comes to Claude users". TechCrunch (in American English). Besoek op 18 Desember 2024.
  39. ↑ Rooney, Kate (24 Februarie 2025). "Anthropic says it's released its 'most intelligent' AI model yet as competition ramps up". CNBC (in Engels). Besoek op 17 Maart 2025.Heath, Alex (24 Februarie 2025). "Anthropic's new 'hybrid reasoning' AI model is its smartest yet". The Verge (in American English). Besoek op 17 Maart 2025.
  40. ↑ Henshall, Will; Perrigo, Billy (7 September 2023). "TIME100 AI 2023: Dario and Daniela Amodei". Time (in Engels). Geargiveer vanaf die oorspronklike op 13 Junie 2024. Besoek op 5 Maart 2024.
  41. ↑ Bai, Yuntao; Kadavath, Saurav; Kundu, Sandipan; Askell, Amanda; Kernion, Jackson; Jones, Andy; Chen, Anna; Goldie, Anna et al. (2022-12-15). "Constitutional AI: Harmlessness from AI Feedback". [cs.CL].
  42. ↑ "Transformer Circuits Thread". transformer-circuits.pub. Geargiveer vanaf die oorspronklike op 4 Februarie 2023. Besoek op 9 Februarie 2023.
  43. ↑ "Towards Monosemanticity: Decomposing Language Models With Dictionary Learning" (in Engels). Geargiveer vanaf die oorspronklike op 9 Oktober 2023. Besoek op 10 Oktober 2023.
  44. ↑ Ropek, Lucas (21 Mei 2024). "New Anthropic Research Sheds Light on AI's 'Black Box'". Gizmodo (in Engels). Besoek op 23 Mei 2024.
  45. ↑ Perrigo, Billy (21 Mei 2024). "Artificial Intelligence Is a 'Black Box.' Maybe Not For Long". Time (in Engels). Geargiveer vanaf die oorspronklike op 24 Mei 2024. Besoek op 24 Mei 2024.
  46. ↑ Adly Templeton*, Tom Conerly*, Jonathan Marcus, Jack Lindsey, Trenton Bricken, Brian Chen, Adam Pearce, Craig Citro, Emmanuel Ameisen, Andy Jones, Hoagy Cunningham, Nicholas L Turner, Callum McDougall, Monte MacDiarmid, Alex Tamkin, Esin Durmus, Tristan Hume, Francesco Mosconi, C. Daniel Freeman, Theodore R. Sumers, Edward Rees, Joshua Batson, Adam Jermyn, Shan Carter, Chris Olah, Tom Henighan Scaling Monosemanticity: Extracting Interpretable Features from Claude 3 Sonnet, Anthropic, https://transformer-circuits.pub/2024/scaling-monosemanticity/index.html, besoek op 24 Mei 2024
  47. ↑ Kahn, Jeremy. "Anthropic researchers make progress unpacking AI's 'black box'". Fortune (in Engels). Besoek op 29 Maart 2025.Nuñez, Michael (27 Maart 2025). "Anthropic scientists expose how AI actually 'thinks' — and discover it secretly plans ahead and sometimes lies". VentureBeat (in American English). Geargiveer vanaf die oorspronklike op 28 Maart 2025. Besoek op 29 Maart 2025.
  48. ↑ Zeff, Maxwell (19 Januarie 2025). "The Pentagon says AI is speeding up its 'kill chain'". TechCrunch (in American English). Besoek op 12 Februarie 2025.
  49. ↑ Murgia, Madhumita (5 Desember 2024). "Anthropic's Dario Amodei: Democracies must maintain the lead in AI". Financial Times. Besoek op 10 Februarie 2025.
  50. ↑ Times, Financial (19 Oktober 2023). "Universal Music sues AI start-up Anthropic for scraping song lyrics". Ars Technica (in American English). Besoek op 9 Maart 2024.David, Emilia (19 Oktober 2023). "Universal Music sues AI company Anthropic for distributing song lyrics". The Verge (in Engels). Besoek op 9 Maart 2024.Court Docket for Concord Music Group v Anthropic, per CourtListener.
  51. ↑ Masse, Bryson (19 Oktober 2023). "Major music publishers sue Anthropic for copyright infringement over song lyrics". VentureBeat. Geargiveer vanaf die oorspronklike op 3 April 2024. Besoek op 8 April 2024.
  52. ↑ Brittain, Blake (17 Januarie 2024). "Anthropic fires back at music publishers' AI copyright lawsuit". Reuters. Besoek op 7 April 2024.
  53. ↑ Field, Hayden (20 Augustus 2024). "Amazon-backed Anthropic hit with class-action lawsuit over copyright infringement". CNBC (in Engels). Besoek op 29 Oktober 2024.
Ontsluit van "https://af.wikipedia.org/w/index.php?title=Anthropic&oldid=2922345"