O NOSO OUTONO

Un ano máis puidemos disfrutar da exposición de outono no noso centro.

Que mellor forma para recibilo , que facer voar a imaxinación e crear bonitos diseños coas follas e os froitos que nos agasalla esta estación .
Xunto a estas creacións feitas polo alumnado xunto coas súas familias, puidemos ver os diferentes froitos de outono e aprender moitas cousas sobre eles.
As follas caen no outono, pero para os alumnos e alumnas de 1º caen de soño e así quixérono reflexar nun recuncho da exposición.
,

Disfrutade desta pequena mostra da exposición e grazas a todos pola vosa colaboración.

POR FIN CHEGOU O MAGOSTO

O pasado xoves celebramos o Magosto no cole. Preparamos cestos coas castañas e outros cos manteis e diferentes froitos secos que iamos degustar. Mentras as castañas se ían asando xogamos e cantamos. Despois de comer as castañas e saborear os outros froitos ,os de sexto deleitáronnos cun rap do magosto e entregouselles os agasallos aos gañadores da castaña máis grande e da máis pequenna.

POEMA DE OUTONO

Como xa todos ben sabemos o outono é unha estación que inspirou a moitos escritores, polo que ten de nostalxia, de morriña, de saudade... O sol vai deixando paso ás nubes, ao vento e ás chuvias. A natureza amósanos unha paisaxe diferente chea de cores, luces...

Como exemplo, aquí tendes un poema que nos fixeron chegar Florencia e Alba, dúas alumnas de 5ºA, inspiradas tamén por esta estación.

CELEBRANDO O MAGOSTO

O magosto é unha celebración tradicional galega relacionada coa recollida das castaña.

O aire das frías noites de novembro trae sempre o arrrecendo das castañas asadas.

Nós queremos axudar a manter este costume polo que todos os anos homenaxeamos este froito.

O 30 de outubro celebramos o magosto no colexio. Encontro de mestres e alumnos máis alá de libros e cadernos.
O tempo acompañou e arredor das fogueiras recitamos refráns , cantamos, bailamos, xogamos e comimos unha chea de castañas.

Por certo estaban boísimas!!

GAÑADORES DO CONCURSO DA CASTAÑA

XA TEMOS OS GAÑADORES
DO CONCURSO DA CASTAÑA
DESTE ANO!!!

JEREMY VAZQUEZ DOMÍNGUEZ
ALUMNO DE 5º
DE EDUCACIÓN INFANTIL-GRUPO B
POR TER ATOPADO A CASTAÑA
MÁIS GRANDE DE TODO O COLEXIO!!!



E A ALEJANDRO SOTO LÓPEZ
ALUMNO DE 2º CURSO
DE PRIMARIA- GRUPO B
POR TER ATPADO A CASTAÑA
MÁIS PEQUENIÑA DE TODO O COLEXIO!!!

O SAMAÍN EN EDUCACIÓN INFANTIL

Polo Samaín vimos organizando dende a biblioteca o certame de relatos de medo. Pero queríamos facer tamén partícipes aos máis cativos desta festividade dándolle unha proposta nova:

QUE ME DA MEDO?

O obxectivo desta actividade era identificar e recoñecer os propios medos. Cada neno escribiu e debuxou o seu medo particular. Os máis comúns foron: ás bruxas, á escuridade, ás arañas, aos lobos, crocodilos, leóns, pantasmas, vampiros e monstros.

Aquí tedes unha pequena mostra das respostas.

REQUISITOS PARA SER BRUXA

A VER SE SODES CAPACES DE APRENDER DE MEMORIA

ESTE SIMPÁTICO RECITADO

PARA SER BRUXA TERRIBLE
(ADAPTACIÓN do poema de Carmen Gil, www.poemitas. com)

Para ser bruxa terrible
requisito imprescindible,
ible, ible, ible,ible ( poñer voz misteriosa)

Ser unha bruxa malvada

e nunca lavarse a cara.

Para ser bruxa terrible
requisito imprescindible,
ible, ible, ible,ible

É ser perversa e malvada
odiar moito a calquera fada
por ridícula e empalagosa,
sempre vestida de rosa!

Para ser bruxa terrible
requisito imprescindible,
ible, ible, ible,ible

Ter o naris encarnado
longo e cunha gran verruga.

e ser máis fea que Picio,
pois o precisa o oficio!!

Para ser bruxa terrible
requisito imprescindible,
ible, ible, ible,ible

Ter fétido o alento,
moi negra a dentadura
e levar cuberto o corpo

cunha gran túnica escura.

Para ser bruxa terrible
requisito imprescindible,
ible, ible, ible,ible

Ter un sorriso horroroso,
a pel áspera e verdosa,
cara de astuta e bribona
e os pelos coma os da fregona.

Para ser bruxa terrible
requisito imprescindible,
ible, ible, ible,ible

Non moverse nunca a pé
sacarse pronto o carné
viaxar a todas horas
en vasoiras voadoras.

Para ser bruxa terrible
requisito imprescindible,
ible, ible, ible,ible

Importante o capirucho
con forma de cucurucho
e por cara de enfadada
para parecer moi mala.

E xa para rematar
requisito imprescindible será?
pasalo estupendamente
chinchando moito á xente!!!

MEIGAS FORA!!!

EXPOSICIÓN DE CABAZAS SECAS

Estimadas familias :

Queremos felicitarvos por ter colaborado con nós, na realización da fermosa exposición artística de cabazas secas .

A marabillosa transformación que fixestes delas , dá idea da vosa gran habilidade e imaxinación .

O obxectivo de animar á reutilización de materiais ao noso alumnado, cremos que está conseguido, grazas á vosa axuda.

Para poderdes disfrutar dela, invitámosvos a visitala no corredor da planta baixa do noso colexio todos os martes de 16:00 a 18:00 hs.

Continuaremos ao longo do curso dando a coñecer usos tradicionais, refráns, cantigas e ditos sobre as cabazas, remedios, receitas,…para acadar o 2º obxectivo que nos propuxemos : valorar o noso patrimonio.

O próximo día 31 de outubro na Praza Maior de Ponteareas estará esta exposición acompañando a presentación do nº 5 da Revista Oral, organizada pola asociación cultural “Bagaña da Remelisca”, coa que xa colaboramos o curso pasado. Nela falarase do uso tradicional das cabazas secas no noso entorno.

MOITAS GRAZAS POLA VOSA COLABORACIÓN

EXPOSICIÓN DE FROITOS DE OUTONO

CANTOS FROITOS SECOS E CARNOSOS DESTE TEMPO DE OUTONO TIVEMOS NA EXPOSICIÓN!

Todos os anos atopámonos
con algunha sorpresa...
Este ano foi un froito moi curioso
que lle chaman “CARAMBOLAS” .

É unha boliña de cor laranxa
que está agochadiña dentro
dunhas follas secas que a tapan.
O seu sabor é algo ácido
pero sabe moi ben!!

HISTORIAS DE MEDO NA BIBLIOTECA

Como ben sabedes xa falta pouco para a Noite de defuntos, tamén chamada Samaín ou Halloween. A nosa biblioteca empeza a prepararse para esas datas co certame de relatos de medo e coa exposición de libros cheos de meigas, pantasmas,magos, monstros e outras criaturas fantásticas. Libros para que vos animedes a ler durante estes días.

¡Animádevos a pasalo de medo!

OUTONO CREATIVO 2009

Estimadas familias:

Chegada a época de outono poñémonos en contacto con vós para que o noso alumnado coñeza de 1ª man, é dicir, a través do saber dos seus maiores, diferentes aspectos das nosas tradicións.

O froito elixido é A CABAZA SECA e pedimos a vosa axuda para lograr dous obxectivos:

!º Rememorar xuntos a utilidade que se lle daba hai tempo no noso entorno, a ese tipo de cabaza .

2º Potenciar a idea de que con imaxinación e poucos medios pódese crear, divertir e aprender a REUTILIZAR.

Por iso animámosvos a presentar CABAZAS SECAS (para evitar que apodrezan ) decoradas libremente, ou transformadas en “instrumentos musicais”, bonecas ou xoguetes ... aproveitando a forma que teñen.Algunhas xa empezaron a chegar como as que vedes na foto.

CON TODAS ELAS MONTAREMOS UNHA EXPOSICIÓN que esperamos teña tanto éxito, coma a do curso pasado, sobre bonecas e xoguetes de millo.

O prazo de entrega sería ata o 20 de outubro.

Moitas grazas pola vosa colaboración

POEMA PARA O OUTONO

Xa chegou o outono coas súas fermosas cores e perfumes. Vermello, amarelo, laranxa, marrón…son as cores coas que se visten as nosas árbores nesta estación.Baixo os nosos pés exténdese unha alfombra que cubre o chan e que vai acompañando os nosos pasos dunha música especial.

O outono é unha estación que inspirou a moitos escritores, pintores e músicos, polo que ten de nostalxia, de melancolía, de saudade... e, como exemplo, aquí tendes un poema.

VÉN ONDA NÓS O OUTONO

Vén onda nós o outono

dacabalo do aire;

nos camiños da fraga

os ourizos xa abren.

Síntoo chegar contento

da eterna viaxe

enredando entre as follas

estreando friaxe.

Ana Mª Fernández

CELEBRACIÓN DO MAGOSTO

POR FIN , POIDEMOS CELEBRAR O MAGOSTO!!!

A CHUVIA FIXO UN DESCANSO
PARA NOS CONCEDER O DESEXO A
TODAS E TODOS!

MENTRAS SE ASABAN AS CASTAÑAS
BAILAMOS COA MÚSICA
DOS TÉCNICOS DE SON



TAMÉN HOUBO XOGOS…



HABÍA DÍAS QUE AS CASTAÑAS
AGARDABAN NAS CLASES, XUNTO CO BULLO,
PARA SER ASADAS EN FOGUEIRAS
AO XEITO TRADICIONAL.
PERO… ADEMAÍS CONTAMOS ISTE ANO
CUNHA NOVIDADE:
O ASADO EN TAMBOR!!!

UNHA REPRESENTACIÓN DA ANPA
ESTIVO ASANDO CASTAÑAS
PARA OS MAÍS PEQUENOS DO COLEXIO…

AGRADECEMOS MOITO A SÚA COLABORACIÓN!!



POR ÚLTIMO, FIXEMOS ENTREGA
DOS DIPLOMAS E AGASALLOS
AOS GAÑADORES
DO CONCURSO DA CASTAÑA…



E…ATA O PRÓXIMO MAGOSTO!!!

GAÑADORES DO CONCURSO DA CASTAÑA

XA TEMOS AOS GAÑADORES DO CONCURSO:

“A CASTAÑA MÁIS

GRANDE E A MÁIS PEQUENIÑA”

DESTE ANO !!

ELÍAS DE 5ºA, POR TER ATOPADO

A CASTAÑA MÁIS GRANDE

E PAULA DE 6ºA , POR TER ATOPADO

A CASTAÑA MÁIS PEQUENIÑA

NORABOA !!

REVIVINDO AS ESPIGAS DE MILLO

Durante estas semanas as espigas de millo reviviron nas vosas mans coa axuda das vosas familias . Estos foron algúns dos resultados.O venres visitáronnos dúas profesoras rumanas e comentáronnos que alí é unha tradicción a elaboración das bonecas coas follas do millo.

PASANDOO DE MEDO NA BIBLIOTECA

Estamos pasándoo de medo na biblioteca durante esta semana

O SAMAÍN NA NOSA BIBLIOTECA

Esta semana celébrase a noite na que o mundo real e o mundo maxico únense convirtíndose nun só, a noite de Samaín ou dos defuntos, na que bruxas, e fadas, magos, trasgos, pantasmas, monstruos, vampiros e outras criaturas fantásticas saen dos contos, ese mundo máxico ao que pertencen, para darnos algún pequeno susto.
Na biblioteca queremos ensinarvos os libros habitados por ese tipo de seres, por iso presentámosvos unha pequena selección.
Celebrámolo tamén contando e lendo historias e relatos de medo durante toda a semana.

Esperámosvos na biblioteca

Pasarémolo de medooooo!!!

XA CHEGA O MAGOSTO

Xa falta pouco para o magosto por iso hoxe querémoste facer dúas propostas

A ver se adiviñas de que falamos:

Ten barbas

e home non é

ten dentes

e non pode comer.

Teño ao meu arredor moitos buratos

De fóra están ao axexo

Pero endexamáis poden entran os ratos.

( A solución está nos murais que están cerca da biblioteca)

Agora a ver se aprendes esta cantiga para o magosto:

“ Acabáronse as vendimas

e veñen as esfolladas

para comer coas mociñas

catro castañas asadas”.

(podes cantala coa música de "A saia da Carolina”)

OUTONO CREATIVO

Xa logo remata a estación do outono!!

Que mellor forma para despedirnos dela, que facer voar a imaxinación e crear bonitos diseños coas follas que as árbores deixan caer ao chan.

¿Queredes ver os que fixeron as nenas e nenos de 4º?

A TODO PORCO LLE CHEGA O SEU SAN MARTIÑO

Formando parte da Exposición: “TEMPO DE OUTONO” nenas e nenos de 4º curso de primaria elaboraron uns libriños explicando esta tradición.

Algúns dos refráns recollidos son:


“A todo porquiño
lle chega o seu San Martiño”.


“Polo San Martiño
mátase o porco
e próbase o viño”.

“O que non mata porquiño
non ten xamón nin chourizos”.