รวมบทสวดมนต์ข้ามปี 2569 เตรียมใจให้ผ่องใสรับปีใหม่

1. บทมงคลสูตร (ป้องกันอันตราย เพิ่มสิริมงคลรับปีใหม่)

          เอวัมเม สุตัง ฯ

          เอกัง สะมะยัง ภะคะวา     สาวัตถิยัง วิหะระติ เชตะวะเน

          อะนาถะปิณฑิกัสสะ อาราเม   อะถะโข อัญญะตะรา เทวะตา

          อะภิกกันตายะ รัตติยา     อภิกกันตะวัณณา

          เกวะละกัปปัง เชตะวะนัง โอภาเสตะวา

          เยนะ ภะคะวา เตนุปะสังกะมิ

          อุปะสังกะมิตะวา ภะคะวันตัง อภิวาเทตะวา

          เอกะมันตัง อัฏฐาสิ เอกะมันตัง ฐิตา โข สา เทวะตา

          ภะคะวันตัง คาถายะ อัชฌะภาสิ

          พะหู เทวา มะนุสสา จะ             มัคะลานิ อะจินตะยุง

          อากังขะมานา โสตถานัง            พรูหิ มังคะละมุตตะมัง

          อะเสวะนา จะ พาลานัง           ปัณฑิตานัญจะ เสวะนา

          ปูชา จะ ปูชะนียานัง                เอตัมมังคะละมุตตะมังฯ

          ปะฏิรูปะเทสะวาโส จะ              ปุพเพ จะ กะตะปุญญะตา

          อัตตะสัมมาปะณิธิ จะ               เอตัมมังคะละมุตตะมังฯ

          พาหุสัจจัญจะ สิปปัญจะ           วินะโย จะ สุสิกขิโต

          สุภาสิตา จะ ยา วาจา             เอตัมมังคะละมุตตะมังฯ

          มาตาปิตุอุปัฏฐานัง                   ปุตตะทารัสสะ สังคะโห

          อะนากุลา จะ กัมมันตา           เอตัมมังคะละมุตตะมังฯ

          ทานัญจะ ธัมมะจะริยา จะ         ญาตะกานัญจะ สังคะโห

          อะนะวัชชานิ กัมมานิ                เอตัมมังคะละมุตตะมังฯ

          อาระตี วิระตี ปาปา                 มัชชะปานา จะ สัญญะโม

          อัปปะมาโท จะ ธัมเมสุ           เอตัมมังคะละมุตตะมังฯ

          คาระโว จะ นิวาโต จะ           สันตุฏฐี จะ กะตัญญุตา

          กาเลนะ ธัมมัสสะวะนัง            เอตัมมังคะละมุตตะมังฯ

          ขันตี จะ โสวะจัสสะตา           สะมะณานัญจะ ทัสสะนัง

          กาเลนะ ธัมมะสากัจฉา            เอตัมมังคะละมุตตะมังฯ

          ตะโป จะ พรัหมะจะริยัญจะ     อะริยะสัจจานะ ทัสสะนัง

          นิพพานะสัจฉิกิริยา จะ            เอตัมมังคะละมุตตะมังฯ

          ผุฏฐัสสะ โลกะธัมเมหิ             จิตตัง ยัสสะ นะ กัมปะติ

          อะโสกัง วิระชัง เขมัง              เอตัมมังคะละมุตตะมังฯ

          เอตาทิสานิ กัตวานะ                สัพพัตถะมะปะราชิตา

          สัพพัตถะ โสตถิง คัจฉันติ        ตันเตสัง มังคะละมุตตะมันติฯ

2. บทนมัสการสิทธิคาถา (ช่วยดลบันดาลชัยชนะและความสำเร็จให้เกิดขึ้น พร้อมกับปัดเป่าสรรพอันตรายและความไม่เป็นสิริมงคลให้มลายหายไป)

          สัมพุทเธ อัฏฐะวีสัญจะ               ทะวาทะสัญจะ สะหัสสะเก

          ปัญจะสะตะสะหัสสานิ                    นะมามิ สิระสา อะหัง

          เตสัง ธัมมัญจะ สังฆัญจะ                อาทะเรนะ นะมามิหัง

          นะมะการานุภาเวนะ                       หันตวา สัพเพ อุปัททะเว

          อะเนกาอันตะรายาปิ                      วินัสสันตุ อะเสสะโต ฯ

          สัมพุทเธ ปัญจะปัญญาสัญจะ       จะตุวีสะติสะหัสสะเก

          ทะสะสะตะสะหัสสานิ                     นะมามิ สิระสา อะหัง

          เตสัง ธัมมัญจะ สังฆัญจะ                อาทะเรนะ นะมามิหัง

          นะมะการานุภาเวนะ                       หันตวา สัพเพ อุปัททะเว

          อะเนกา อันตะรายาปิ                     วินัสสันตุ อะเสสะโต ฯ

          สัมพุทเธ นะวุตตะระสะเต              อัฏฐะจัตตาฬีสะสะหัสสะเก

          วีสะติสะตะสะหัสสานิ                      นะมามิ สิระสา อะหัง

          เตสัง ธัมมัญจะ สังฆัญจะ                 อาทะเรนะ นะมามิหัง

          นะมะการานุเวนะ                           หันตวา สัพเพ อุปัททะเว

          อะเนกา อันตะรายาปิ                      วินัสสันตุ อะเสสะโต ฯ

3. บทโพชฌังคปริตร (หายจากโรคภัย สุขภาพดีรับปีใหม่)

          โพชฌังโค สะติสังขาโต ธัมมานัง วิจะโย ตะถา

          วิริยัมปีติปัสสัทธิ โพชฌังคา จะ ตะถาปะเร

          สะมาธุเปกขะโพชฌังคา สัตเต เต สัพพะทัสสินา

          มุนินา สัมมะทักขาตา ภาวิตกา พะหุลีกะตา

          สังวัตตันติ อะภิญญายะ นิพพานายะ จะ โพธิยา

          เอเตนะ สัจจะวัชเชนะ โสตถิ เต สัพพะทาฯ

          เอกัสะมิง สะมะเย นาโถ โมคคัลลานัญจะ กัสสะปัง

          คิลาเน ทุกขิเต ทิสะวา โพชฌังเค สัตตะ เทสะยิ

          เต จะ ตัง อะภินันทิตะวา โรคา มุจจิงสุ ตังขะเณ

          เอเตนะ สัจจะวัชเชนะ โสตถิ เต โหตุ สัพพะทาฯ

          เอะทา ธัมมะราชาปิ เคลัญเญนาภิปีฬิโต

          จุนทัตเถเรนะ ตัญเญนะ ภะนาเปตะวานะ สาทะรัง

          สัมโมทิตะวา จะ อาพาธา ตัมหา วุฏฐาสิ ฐานะโส

          เอเตนะ สัจจะวัชเชนะ โสตถิ เต โหนตุ สัพพะทาฯ

          ปะหีนา เต จะ อาพาธา ติณณันนัมปิ มะเหสินัง

          มัคคาหะตะกิเลสาวะ ปัตตานุปปัตติธัมมะตัง

          เอเตนะ สัจจะวัชเชนะ โสตถิ เต โหตุ สัพพะทาฯ

4. บทโมระปริตร (ป้องกันภัยต่าง ๆ)

          อุเทตะยัญจักขุมา เอกราชา

          หะริสสะวัณโณ ปะฐะวิปปะภาโส

          ตัง ตัง นะมัสสามิ หะริสสะวัณณัง ปะฐะวิปปะภาสัง

          ตะยัชชะ คุตตา วิหะเรมุ ทิวะสัง

          เย พรัหมะณา เวทะคุ สัพพะธัมเม

          เต เม นะโม เต จะ มัง ปาละยันตุ

          นะมัตถุ พุทธานัง มะมัตถุ โพธิยา

          นะโม วิมุตตานัง นะโม วิมุตติยา

          อิมัง โส ปะริตตัง กัตวา โมโร จะระติ เอสะนา

          อะเปตะยัญจักขุมา เอกราชา

          หะริสสะวัณโณ ปะฐะวิปปะภาโส

          ตัง ตัง นะมัสสามิ หะริสสะวัณณัง ปะฐะวิปปะภาสัง

          ตะยัชชะ คุตตา วิหะเรมุ รัตติง

          เย พรัหมะณา เวทะคุ สัพพะธัมเม

          เต เม นะโม เต จะ มัง ปาละยันตุ

          นะมัตถุ พุทธานัง มะมัตถุ โพธิยา

          นะโม วิมุตตานัง นะโม วิมุตติยา

          อิมัง โส ปะริตตัง กัตวา โมโร วาสะมะกัปปะยีติ

5. บทวัฏฏะกะปริตร (ป้องกันอัคคีภัย)

          อัตถิ โลเก สีละคุโณ               สัจจัง โสเจยยะนุททะยา

          เตนะ สัจเจนะ กาหามิ                 สัจจะกิริยะมะนุตตะรัง

          อาวัชชิตวา ธัมมะพะลัง            สะริตวา ปุพพะเก ชิเน

          สัจจะพะละมะวัสสายะ                  สัจจะกิริยะมะกาสะหัง

          สันติ ปักขา อะปัตตะนา            สันติ ปาทา อะวัญจะนา 

          มาตา ปิตา จะ นิกขันตา               ชาตะเวทะ ปะฏิกกะมะ

          สะหะ สัจเจ กะเต มัยหัง           มะหาปัชชะลิโต สิขี

          วัชเชสิ โสฬะสะ กะรีสานิ              อุทะกัง ปัตวา ยะถาสิขี

          สัจเจนะ เม สะโม นัตถิ                 เอสา เม สัจจะปาระมีติฯ

6. บทอะภะยะปะริตตะคาถา (บทสวดให้ฝันร้ายกลายเป็นดี)

          ยันทุนนิมิตตัง อะวะมังคะลัญจะ

          โย จามะนาโป สะกุณัสสะ สัทโท

          ปาปัคคะโห ทุสสุปินัง อะกันตัง

          พุทธานุภาเวนะ วินาสะเมนตุ ฯ

          ยันทุนนิมิตตัง อะวะมังคะลัญจะ

          โย จามะนาโป สะกุณัสสะ สัทโท

          ปาปัคคะโห ทุสสุปินัง อะกันตัง

          ธัมมานุภาเวนะ วินาสะเมนตุ ฯ

          ยันทุนนิมิตตัง อะวะมังคะลัญจะ

          โย จามะนาโป สะกุณัสสะ สัทโท

          ปาปัคคะโห ทุสสุปินัง อะกันตัง

          สังฆานุภาเวนะ วินาสะเมนตุ ฯ

7. บทพุทธชัยมงคลคาถา (ชนะอุปสรรคทั้งปวง พบความสำเร็จในปีใหม่)

          พาหุง สะหัสสะมะภินิมมิตะสาวุธันตัง ครีเมขะลัง อุทิตะโฆระสะเสนะมารัง

          ทานาทิธัมมะวิธินา ชิตะวา มุนินโท ตันเตชะสา ภะวะตุ เต ชะยะมังคะลานิฯ

          มาราติเรกะมะภิยุชฌิตะสัพพะรัตติง โฆรัมปะนาฬะวะกะมักขะมะถัทธะยักขัง

          ขันตีสุทันตะวิธินา ชิตะวา มุนินโท ตันเตชะสา ภะวะตุ เต ชะยะมังคะลานิฯ

          นาฬาคิริง คะชะวะรัง อะติมัตตะภูตัง ทาวัคคิจักกะมะสะนีวะ สุทารุณันตัง

          เมตตัมพุเสกะวิธินา ชิตะวา มุนินโท ตันเตชะสา ภะวะตุ เต ชะยะมังคะลานิฯ

          อุกขิตตะขัคคะมะติหัตถะสุทารุณันตัง ธาวันติโยชะนะปะถังคุลิมาละวันตัง

          อิทธีภิสังขะตะมะโน ชิตะวา มุนินโท ตันเตชะสา ภะวะตุ เต ชะยะมังคะลานิฯ

          กัตตะวานะ กัฏฐะมุทะรัง อิวะ คัพภินียา จิญจายะ ทุฏฐะวะจะนัง ชะนะกายะมัชเฌ

          สันเตนะ โสมะวิธินา ชิตะวา มุนินโท ตันเตชะสา ภะวะตุ เต ชะยะมังคะลานิฯ

          สัจจัง วิหายะ มะติสัจจะกะวาทะเกตุง วาทาภิโรปิตะมะนัง อะติอันธะภูตัง

          ปัญญาปะทีปะชะลิโต ชิตะวา มุนินโท ตันเตชะสา ภะวะตุ เต ชะยะมังคะลานิฯ

          นันโทปะนันทะภุชะคัง วิพุธัง มะหิทธิง ปุตเตนะ เถระภุชะเคนะ ทะมาปะยันโต

          อิทธูปะเทสะวิธินา ชิตะวา มุนินโท ตันเตชะสา ภะวะตุ เต ชะยะมังคะลานิฯ

          ทุคคาหะทิฏฐิภุชะเคนะ สุทัฏฐะหัตถัง พรัหมังวิสุทธิชุติมิทธิพะกาภิธานัง

          ญาณาคะเทนะ วิธินา ชิตะวา มุนินโท ตันเตชะสา ภะวะตุ เต ชะยะมังคะลานิฯ

          เอตาปิ พุทธะชะยะมังคะละอัฏฐะคาถา โย วาจะโน ทินะทิเน สะระเต มะตันที

          หิตวานะเนกะวิวิธานิ จุปัททะวานิ โมกขัง สุขัง อะธิคะเมยยะ นะโร สะปัญโญฯ

8. บทขันธปริตร (ป้องกันภัยจากอสรพิษและสัตว์เลื้อยคลาน)

          วิรูปักเขหิ เม เมตตัง           เมตตัง เอราปะเถหิ เม

          ฉัพฺยาปุตเตหิ เม เมตตัง           เมตตัง กัณหาโคตะมะเกหิ จะ

          อะปาทะเกหิ เม เมตตัง            เมตตัง ทิปาทะเกหิ เม

          จะตุปปะเทหิ เม เมตตัง           เมตตัง พะหุปปะเทหิ เม

          มา มัง อะปาทะโก หิงสิ           มา มัง หิงสิ ทิปาทะโก

          มา มัง จะตุปปะโท หิงสิ           มา มัง หิงสิ พะหุปปะโท

          สัพเพ สัตตา สัพเพ ปาณา          สัพเพ ภูตา จะ เกวะลา

          สัพเพ ภัทฺรานิ ปัสสันตุ              มา กิญจิ ปาปะมาคะมา

          อัปปะมาโณ  พุทโธ  อัปปะมาโณ  ธัมโม  อัปปะมาโณ  สังโฆ 

          ปะมาณะวันตานิ สิริงสะปานิ อะหิ วิจฉิกา สะตะปะที อุณณานาภี 

          สะระพู มูสิกา กะตา เม รักขา กะตา เม ปะริตตา ปฏิกกะมันตุ ภูตานิ 

          โสหัง นะโม ภะคะวะโต นะโม สัตตันนัง สัมมาสัมพุทธานังฯ

9. บทเทวะตาอุยโยชะนะคาถา (บทสวดเพื่ออัญเชิญเทวดากลับ)

          ทุกขัปปัตตา จะ นิททุกขา     ภะยัปปัตตา จะ นิพภะยา

          โสกัปปัตตา จะ นิสโสกา           โหนตุ สัพเพปิ ปาณิโน

          เอตตาวะตา จะ อัมเหหิ             สัมภะตัง ปุญญะสัมปะทัง

          สัพเพ เทวานุโมทันตุ                สัพพะสัมปัตติสิทธิยา

          ทานัง ทะทันตุ สัทธายะ            สีลัง รักขันตุ สัพพะทา

          ภาวะนาภิระตา โหนตุ               คัจฉันตุ เทวะตาคะตา ฯ

          สัพเพ พุทธา พะลัปปัตตา           ปัจเจกานัญจะ ยัง พะลัง

          อะระหันตานัญจะ เตเชนะ           รักขัง พันธามิ สัพพะโส

10. บทสรรเสริญคุณพระรัตนตรัย (ให้อานิสงส์ในทุก ๆ เรื่อง)

          บทพระพุทธคุณ

          อิติปิโส ภะคะวา อะระหัง สัมมาสัมพุทโธ

          วิชา จะระณะ สัมปันโน สุคะโต โลกะวิทู

          อนุตตะโร ปุริสะธัมมะสาระถิ สัตถา

          เทวมนุสสานัง พุทโธภะคะวาติ

          บทพระธรรมคุณ

          สวากขาโต ภะคะวะตาธัมโม

          สันทิฏฐิโก อะกาลิโก เอหิปัสสิโก

          โอปะนะยิโก ปัจจัตตังเวทิตัพโพ วิญญูหิติ

          บทพระสังฆคุณ

          สุปะฏิปันโน ภะคะวะโต สาวะกะสังโฆ  อุชุปะฏิปันโน ภะคะวะโต สาวะกะสังโฆ

          ญายะปะฏิปันโน ภะคะวะโต สาวะกะสังโฆ สามีจิปะฏิปันโน ภะคะวะโต สาวะกะสังโฆ

          ยะทิทังจัตตาริ ปุริสะยุคานิ อัฏฐะปุริสะปุคคะลา เอสะ ภะคะวะโต สาวะกะสังโฆ

          อาหุเนยโย ปาหุเนยโย ทักขิเนยโย อัญชะลีกะระณีโย อะนุตตะรัง ปุญญักเขตตัง โลกัสสาติ

11.  มงคลจักรวาลใหญ่

          สิริธิติมะติเตโชชะยะสิทธิ มะหิทธิมะหาคุณาปะริมิตะปุญญา

          ธิการัสสะ สัพพันตะรายะนิวาระณะสะมัตถัสสะ ภะคะวะโต อะระหะโต 

          สัมมาสัมพุทธัสสะ ทวัตติงสะมะหาปุริสะลักขะณานุภาเวนะ อะสีตยานุ

          พยัญชะนานุภาเวนะ อัฏฐุตตะระสะตะมังคะลานุภาเวนะ ฉัพพัณณะ

          รังสิยานุภาเวนะ เกตุมาลานุภาเวนะ ทะสะปาระมิตานุภาเวนะ 

          ทะสะอุปะปาระมิตานุภาเวนะ ทะสะปะระมัตถะปาระมิตานุภาเวนะ 

          สีละสะมาธิปัญญานุภาเวนะ พุทธานุภาเวนะ ธัมมานุภาเวนะ 

          สังฆานุภาเวนะ เตชานุภาเวนะ อิทธานุภาเวนะ พะลานุภาเวนะ 

          เญยยะธัมมานุภาเวนะ จะตุราสีติสะหัสสะธัมมักขันธานุภาเวนะ  

          นะวะโลกุตตะระธัมมานุภาเวนะ อัฏฐังคิกะมัคคานุภาเวนะ อัฏฐะ

          สะมาปัตติยานุภาเวนะ ฉะฬะภิญญานุภาเวนะ จะตุสัจจะญาณานุ

          ภาเวนะ ทะสะพะละญาณานุภาเวนะ สัพพัญญุตะญาณานุภาเวนะ 

          เมตตากะรุณามุทิตาอุเปกขานุภาเวนะ สัพพะปะริตตานุภาเวนะ 

          ระตะนัตตะยะสะระณานุภาเวนะ ตุยหัง สัพพะโรคะโสกุปัททะวะทุกขะ

          โทมะนัสสุปายาสา วินัสสันตุ สัพพะอันตะรายาปิ วินัสสันตุ สัพพะ

          สังกัปปา ตุยหัง สะมิชฌันตุ ทีฆายุตา ตุยหัง โหตุ สะตะวัสสะชีเวนะ 

          สะมังคิโก โหตุ สัพพะทาฯ อากาสะปัพพะตะวะนะภูมิคังคามะหา

          สะมุททา อารักขะกา เทวะตา สะทา ตุมเห อะนุรักขันตุ ฯ 

          ภะวะตุ สัพพะมังคะลัง           รักขันตุ สัพพะเทวะตา

          สัพพะพุทธา นุภาเวนะ           สะทา โสตถี ภะวันตุ เต ฯ

          ภะวะตุ สัพพะมังคะลัง           รักขันตุ สัพพะเทวะตา

          สัพพะธัมมา นุภาเวนะ           สะทา โสตถี ภะวันตุ เต ฯ

          ภะวะตุ สัพพะมังคะลัง           รักขันตุ สัพพะเทวะตา

          สัพพะสังฆา นุภาเวนะ           สะทา โสตถี ภะวันตุ เต ฯ