Pekuin Anna

Pekuin Anna
Anna Pekuin vl 2009
nimi sündundan jäl'ghe:	angl.: Anna Hélène Paquin
radmižen toižend:	театральная актриса, киноактриса, телеактриса
sündundan dat:	24. heinku 1982
sündundan sijaduz:	Vinnipeg, Winnipeg Metropolitan Region[d], Kanad
valdkund:	Kanad  Uz' Zelandii
Pekuin Anna VikiAitas

Anna Helen Pekuin (kirjutadas erasišti kut Pakin) (angl.: Anna Helene Paquin [ˈænə heˈliːn ˈpækwɪn]; sünd. 24. heinku 1982, Vinnipeg, Manitob, Kanad) om kanadalaiž-udenzelandijalaine kinon da teatran aktris.

Biografii

Naine om sündnu vl 1982 Vinnipeg-lidnha, školan opendajiden kanzha. Hänen Brajan Pekuin-tat (sünd. 1952) — fizkul'turan opendai i kanadalaine augotižlibundan mödhe, Meri Pekuin-mam radoi anglijan kelen opendajan. Anna om norembaks lapseks ičeze kanzas: hänel om Endrü-veik (režissör) da Katä-sestrii (politikanmez'). Vl 1986 Anna Helen ajoi Udhe Zelandijaha kanzanke, i vl 1995 sirdi Los Andželesha jäl'ges vanhembiden erigotust.

Ezmäine rol' om avstralijalaižes «Pianin»-fil'mas (1992). Varastamata nece akt'ordebüt toi «Oskar»-premijad hänele tagaman parahimas debütižes naižroliš. S. v. hän linni sen arvlahjan ühteks kaikiš norembiš laureatoišpäi. Neižne ei himoičend fil'mdas enamb, no jäl'ges ajandad Amerikha fil'mzihe möst (fil'miš da reklamas).

Kinon ližaks vl 2001 aktris ezini Londonan teatran lavastusiš. Tetpas-žo om, hänen kaikiš znamasižemb kinomel'kuva om Rougan rol' franšizas Iks-Ristituiden polhe.

Valitud fil'mografii

• «Pianin» (1993) — Flora Makgrat
• «Džein Eir» (1996) — Džein Eir laps'aigan
• «Lekat kodihe» (1996) — Emi Olden
• «Sajal» (1997) — Frenki Adams
• «Amistad» (1997) — Izabella II-kunigaznaine
• «Kobu» (1998) — Donna
• «Se om kaik hänhe polin» (1999) — Makkenzi Sailer
• «Kävund Kudmaštme» (1999) — Elison
• «Paz'oduz» (1999) — Annabel' Li
• «Iks-Ristitud 1» (2000) — Ruž (Roug) / Mari
• «Läz tetabut» (2000) — Poleksia Afrodezia
• «Löuta Forrester» (2000) — Kler Spens
• «Buffalon saldatad» (2001) — Robin Li
• «Pimed» (2002) — Regina
• «25. čas» (2002) — Meri D'Annancio
• «Iks-Ristitud 2» (2003) — Ruž / Mari
• «Žanna d'Ark» (2005, mul'tfil'm) — Žanna d'Ark (änetab)
• «Kal'mar da kit» (2005) — Lili Torn
• «Iks-Ristitud 3: Jäl'gmäine tora» (2006) — Ruž / Mari
• «Mahapangat minun südäikera Vunded-Ni:he» (2007, telefil'm) — Elein Gudeil
• «Sinine štat» (2007) — Hloja Hemon
• «Kukor vai elo» (2009) — Lori
• «Irena Sendleran rohked südäikera» (2009, telefil'm) — Irena Sendler
• «Romantikad» (2010) — Lila
• «Kodi möndaks» / «Avoinuden verajan päiv» (2010) — Dženni
• «Heik 4» (2010) — Reičel
• «Margaret» (2011) — Liza Koen
• «Joudai ajoregi» (2013) — Kristina
• «Susanna» (2013, TV-serial, kuz' epizodad) — Keiti
• «Iks-Ristitud 5: Männuded tuleban aigan päiväd» (2014) — Ruž / Mari
• «Hüvä dinozavr» (2015, mul'tfil'm) — Ramsi (änetab)
• «Jured» (2016, TV-serial, üks' epizod) — Nensi Holt
• «Hän-žo Greis» (2017, TV-serial, viž epizodad) — Nensi Montgomeri

Arvlahjad

• «Oskar» — Toižen planan parahim naižrol' (1993)
• «Kuldasine globus» — Parahim naižrol' TV-dramserialas (2008)
• «Kaimdai» — Parahim naižrol' TV-dramserialas (2008)

Mel'hetartujad faktad

• Hot' hänel mužik da kaks' last oma, Anna om avaitud biseksualižele kundale.

Irdkosketused

• Pekuin Anna «Internet Movie Database»-saital (angl.)
• Pekuin Anna «KinoPoisk»-saital (ven.)