Hopp til innhald

Indian Railways

Frå Wikipedia – det frie oppslagsverket
Indian Railways

Org.formStatleg selskap
BransjeJernbanetransport
Skipa8. mai 1845
EigarIndia
Eigenandel iSangaldan railway station, Kakinada Town railway station, Patas railway station, Nauganwan railway station, Oro Jagadishpur railway station, Visakhapatnam Junction railway station, Ghaziabad railway station, Kashinagar Halt railway station, Khanapur railway station, Nagari railway station, Ramnagar railway station, Zarpur Pali railway station, Shivpur railway station, Sugapahari railway station, Ramnathpur railway station, Raghunathpur railway station, Komatipalli railway station, Durgapuri railway station, Takipur Halt railway station, Bahadurpur Halt railway station, Ghoraghata railway station, Jalalpur Halt railway station, Kulpahar railway station, Nawadih railway station, Kazipara railway station, Kazipara Halt railway station, Gangadhara railway station, Madanpur railway station, Vedaranniyam railway station, Agastiyampalli railway station, Matheran railway station, Water Pipe railway station, Jummapatti railway station, Bellary Cantt Halt railway station, Ramganga railway station, Soron railway station, Wair railway station, Kamalpur railway station, Narkatiaganj Junction railway station, Jamira railway station, Bela railway station, Ratlam Jn railway station, Pali Halt railway station, Mohana railway station, Garha railway station, Kaiyal Sedhavi railway station, Gopalganj railway station, Tiruvarur–Mayiladuthurai branch line, Viluppuram–Katpadi branch line, Manmadurai–Tiruchirappalli line, Palakkad–Pollachi line, Salem–Karur–Dindigul line, Arakkonam–Chengalpattu branch line, Chennai Egmore–Thanjavur line, Dum Dum metro station, Banmankhi Junction railway station, Jai Hind metro station, Begumpet railway station, Moula Ali railway station, Reasi railway station, Salt Lake Sector-V metro station, Banihal railway station, Katrasgarh railway station, Sheikpura railway station, Nilgiri Mountain Railway
HovudkontorNew Delhi
LandIndia
Tenesterindianrail.gov.in
Nettstadhttps://भारतीयरेल.सरकार.भारत (hindi)
Jernbanenettverket i India.

Indian Railways er det statseigde jernbaneverket i India. Det blei grunnlagd i 1951 og blir styrt av det indiske jernbanedepartementet. Selskapet står for det meste av skjenetrafikk i India, og omfattar lokaltog, langdistansetog og ein del internasjonale tenester til Nepal, Bangladesh og Pakistan.

Verksemda er ei av dei største jernbanesystema i verda. Det har rundt 115 000 jernbane og ruter på 65 436 km.[1] Dei har ulik sporbreidd: Størstedelen er 1676 mm, ein mindre del er 1000 mm og ein liten del er smalspora med 762 eller 610 mm.[2] Jernbanen omfattar 7 172 stasjonar.[1] I 2014–15 frakta Indian Railways 8,397 milliardar passasjerar – over 23 millionar kvar dag - og 1050,18 millionar tonn gods.[3] Indian Railways har over 1,3 millionar tilsette (2013).[3]

Historie

[endre | endre wikiteksten]
«Det største og minste lokomotivet på linja», fotografert ved jernbaneverkstaden i Jamalpur i 1897. På denne tida var nesten alle lokomotiv importerte frå Storbritannia.

Indian Railways har røter frå jernbanen i Britisk India. Den første jernbanelinja i India blei opna i 1853, mellom Bombay og Thane, av Great Indian Peninsula Railway. Ei linje mellom Allahabad og Jabalpur var blitt opna av East Indian Railway i 1867. Under ingeniør Robert Maitland Brereton blei desse bananae bundne saman til eit nettverk på 6 400 km som gjorde at ein kunne reisa direkte mellom dei viktige byane Bombay på vestkysten og Calcutta på austkysten. Ruta blei opna i 1870 og var ein av inspirasjonane til Jules Verne si bok Jorden rundt på 80 dager. Utbygginga fortsette, mellom anna til Madras i sør. I 1895 byrja ein byggja eigne lokomotiv i India.

GIPR blei statseigd i 1900, og i 1907 blei dei fleste jernbaneselskapa tekne over av styresmaktene. Ved slutten av andre verdskrigen var alle jernbanelinjene statsdrivne.

Med delinga av Britisk India enda rundt 40 % av jernbanelinjene i Pakistan, og nye spor måtte leggjast. Selskapet Indian Railways blei formelt skipa i 1951.

Prasanti Express med lokomotivet KJM WDP4 20044.

Damplokomotiv blei fullstendig skifta ut med elektriske i 1985, bortsett frå på historiske linjer. I 1995 blei det innført elektronisk billettreservasjon. Ei ny rute, Konkan-jernbanen over dei bratte vestlege Ghatfjella, blei opna i 1998. Fleire historiske fjellruter, som går på smalsporbanar og framleis bruker damplokomotiv, blei tekne med på UNESCO si verdsarvliste som fjelljernbanar i India i 1999.[4]

Kjelder

[endre | endre wikiteksten]
  1. 1 2 Summary Sheet (PDF), indianrailways.gov.in
  2. ↑ «Evolution», indianrailways.gov.in
  3. 1 2 Facts Figures (PDF), indianrailways.gov.in
  4. ↑ «Mountain Railways of India», unesco.org

Bakgrunnsstoff

[endre | endre wikiteksten]
Commons har multimedium som gjeld: Indian Railways
Henta frå «https://nn.wikipedia.org/w/index.php?title=Indian_Railways&oldid=3669371»