COFACE
| COFACE | |
|---|---|
 | |
| Տեսակ | կազմակերպություն |
| Երկիր |  Ֆրանսիա |
| Հիմնադրված | 1946 |
| Գլխադասային գրասենյակ | Փարիզ, Ֆրանսիա |
| Անձնակազմ | 4450 մարդ |
| Կայք | coface.com(անգլ.)(ֆր.) և coface.fr |
COFACE (ֆրանսերեն՝ Compagnie Française d'Assurance pour le Commerce Extérieur), առևտրի և արտաքին տնտեսական գործունեության հետ կապված ռիսկերի ապահովագրման ոլորտում մասնագիտացած միջազգային ապահովագրական ընկերություն[1]։
Ապահովագրական ընկերությունը հիմնադրվել է Ֆրանսիայի կառավարությունը 1946 թվականին՝ ֆրանսիացի արտահանողներին աջակցելու նպատակով։ 1994 թվականին այն սեփականաշնորհվել է, և նրա բաժնետոմսերը շրջանառվում են առևտուր շուկայում։ Վերահսկիչ բաժնետոմսերի փաթեթը պատկանում էր Natixis բանկին[2], սակայն 2020 թվականի փետրվարին բանկը դրա մի մասը վաճառել է Arch Capital Group-ին՝ իր բաժնեմասը կրճատելով մինչև 12,7%[3]։
Ընկերության հիմնական գործունեությունը գնորդների կողմից դեբիտորական պարտքերի չվճարման հետ կապված վարկային ռիսկերի ապահովագրությունն է։
Իր գործունեության ընթացքում ընկերությունը տեղեկատվություն է հավաքագրում տարբեր ընկերությունների հուսալիության և ֆինանսական վիճակի վերաբերյալ։ Ինչից հետո ընկերությունը որոշում է տրամադրել, թե չտրամադրել առևտրային վարկ։
Coface-ը գործունեություն է ծավալում 67 երկրում, ունի 120 մասնաճյուղ և ներկայացուցիչներ աշխարհի 224 քաղաքներում։ Ընկերության ծառայություններից օգտվող հաճախորդների թիվն ամբողջ աշխարհում գերազանցում է 135 000-ը։
Ընկերության ստորաբաժանումները ձևավորված են ըստ տարածաշրջանների.
- Հյուսիսային Եվրոպա` Գերմանիա, Նիդերլանդներ, Դանիա, Շվեդիա, Նորվեգիա․ հասույթը՝ 298 մլն եվրո, աշխատակիցներ՝ 631։
- Արևմտյան Եվրոպա` Ֆրանսիա, Բելգիա, Շվեյցարիա, Միացյալ Թագավորություն, Իռլանդիա՝ հասույթը՝ 292 մլն եվրո, աշխատակիցներ՝ 937։
- Կենտրոնական Եվրոպա` Ավստրիա, Հունգարիա, Լեհաստան, Չեխիա, Ռումինիա, Սլովակիա, Սլովենիա, Լիտվա, Բուլղարիա, Ռուսաստան՝ հասույթը՝ 143 մլն եվրո, աշխատակիցներ՝ 655։
- Միջերկրածովյան տարածաշրջան և Աֆրիկա` Իտալիա, Իսրայել, Հարավային Աֆրիկա, Իսպանիա, Պորտուգալիա, Հունաստան, Թուրքիա՝ հասույթը՝ 395 մլն եվրո, աշխատակիցներ՝ 634։
- Հյուսիսային Ամերիկա` ԱՄՆ, Կանադա՝ հասույթը՝ 137 մլն եվրո, աշխատակիցներ՝ 200։
- Լատինական Ամերիկա` Մեքսիկա, Բրազիլիա, Չիլի, Էկվադոր, Արգենտինա՝ հասույթը՝ 67 մլն եվրո, աշխատակիցներ՝ 205։
- Ասիա-Խաղաղօվկիանոսյան տարածաշրջան՝ Ավստրալիա, Հոնկոնգ, Ճապոնիա, Սինգապուր, Թայվան՝ հասույթը՝ 119 մլն եվրո, աշխատակիցներ՝ 134[3]։
2020 թվականին ընկերության ընդհանուր հասույթը կազմել է 1,45 մլրդ եվրո, որից՝
- ապահովագրական պրեմիաներ՝ 1,27 մլրդ եվրո,
- միջնորդավճարներ՝ 144 մլն եվրո,
- բանկային գործունեությունից ստացված եկամուտ՝ 58 մլն եվրո,
- ներդրումային եկամուտ՝ 27 մլն եվրո։
Ապահովագրական հատուցումների ընդհանուր գումարը կազմել է 624 մլն եվրո։
Ծանոթագրություններ
[խմբագրել | խմբագրել կոդը]- ↑ Ефимов С.Л. КОФАСЕ // Энциклопедический словарь. Экономика и страхование. — М.: Церих-ПЭЛ, 1996. — С. 217—218. — 528 с. — ISBN 5-87811-016-4
- ↑ «Arch Capital to Buy 29.5% Stake in French Credit Insurer Coface». Insurance Journal (ամերիկյան անգլերեն). 2020-02-25. Վերցված է 2021-01-07-ին.
- 1 2 Coface history Արխիվացված 2013-05-09 Wayback Machine
