Un conxuro é unha fórmula oral ou escrita á que, segundo determinadas crenzas e tradicións, se atribúe poder máxico, empregada coa intención de provocar un determinado efecto mediante a invocación de forzas, seres ou poderes sobrenaturais.
En Galicia, os conxuros están especialmente vinculados á tradición popular das meigas e a outras crenzas relacionadas coa maxia e a bruxaría. Un dos conxuros galegos máis coñecidos é o conxuro da queimada, que se recita, en ocasións, durante a preparación desta bebida, mentres se queima a augardente.[1]
