Truman Capote

	Truman Capote
	skriuwer
	Truman Capote (1980)
	persoanlike bysûnderheden
echte namme	Truman García Capote
nasjonaliteit	Amerikaansk
berne	30 septimber 1924
berteplak	New Orleans
stoarn	25 augustus 1984
stjerplak	Los Angeles
	wurk
taal	Ingelsk
sjenre	romans, koarte ferhalen
bekendste ; wurk(en)	Cold Blood,; Breakfast at Tiffany's
jierren aktyf	1948-1984

Truman García Capote (New Orleans, 30 septimber 1924 - Los Angeles, 25 augustus 1984) (berne as Truman Streckfus Persons) wie in Amerikaansk skriuwer. Hy hat fiksje, non-fiksje, koarte ferhalen en teäterstikken skreaun. Syn bekendste wurken binne In Cold Blood (1966) en de novelle Breakfast at Tiffany's (1958). Fan syn wurken binne teminsten 20 ferfilme en ek tillefyzjerigen makke.

Biografy

Skriuwer

Truman yn debútroman Other Voices, Other Rooms (1948) wie direkt in grut sukses en waard in bestseller. It boek stie mear as njoggen wiken boppe-oan de literatuerlist fan de New York Times.

Nei Other Voices, Other Rooms folgen der mear wurken. Breakfast at Tiffany's wie in sukses, lykas ek In Cold Blood, in 'non-fictie roman' oer in moard op in húshâlding yn Holcomb (Kansas). Capote dûkte djip yn de saak en prate mei elkenien dy't dermei te krijen hie, ûnder wa't de twa ta dea feroardiele moardners wiene. Hy rekke befreone mei harren en dêrtroch waard it foar him tige dreech om it boek ôf te meitsjen. Dat konflikt wie de basis foar in ferfilming fan dizze perioade yn syn libben: Capote (2005). Capote wurdt yn dizze film spile troch Philip Seymour Hoffman, dy't foar syn rol in Oscar krige as bêste akteur. Itselde tema waard ek it ûnderwerp foar Infamous (2006). Yn dy film wurdt Capote spile troch Toby Jones.

Earst yn 2005 ferskynde Summer Crossing. It manuskript fan dizze lytse roman, skreaun yn de jierren fjirtich (noch foar Other Voices, Other Rooms), dûkte yn 2004 op by in feiling. Nei it sukses fan In Cold Blood hie Capote dit manuskript ('net geskikt foar publikaasje') by it âld-papier set, dêr't it troch in konsjerzje ûnderskept waard.

Karakter

Capote wie iepenlik homoseksueel yn in tiid wêryn't dat noch net gebrûklik wie. Hy stie bekend om syn hege, lispeljende stim en aparte klean. Syn gelikenis yn libbensstyl mei de ek homoseksuele dandy, Oscar Wilde, is treffend. [ 6 ] Hy wie ferneamd yn 'e literêre fermiddens fan 'e Feriene Steaten en bewearde gâns ferneamde persoanen yntym te kennen, wat efterôf lang net altyd wier blykte te wêzen. Op 28 novimber 1966 joech er in maskere dûnsfeest yn de grutte balseal fan it Plaza Hotel yn New York, ta eare fan útjouster Katharine Graham.

Lettere libben en dea

Yn syn lettere libben libbe Capote tige op himsels. Hy rekke ferslave oan alkohol en drugs, wat grutte negative gefolgen foar syn sûnens hie. Hy hie faak lêst fan hallusinaasjes troch syn ôfhinklikheid fan stimulearjende middels. Capote ferstoar yn augustus 1984 yn de âldens fan 59 jier as gefolch fan in oerdoasis yn it hûs fan Joanne Carson, eardere frou fan de ferneamde tf-presintator Johnny Carson.

Keppeling om utens