Errekako Gaxuxa Zelaieta Eulate legasarrak irabazi du Nafarroako Judo Txapelketa, 57 kiloz beheitiko senior kategorian, urriaren 18an, Mendillorriko kiroldegian. Garaipen honekin, Zelaieta urriaren 31n Mendillorrin bertan jokatuko den ipar sektoreko txapelketarako sailkatu da. Honetan lehenengo bi postuen artean gelditu beharko du Espainiako senior txapelketa jokatu ahal izateko.

Euskal Jai Berri Erremonte Fundazioak antolatutako Binakako Erremonte Profesionaleko-Reyno Gourmet Sari Nagusia azken txanpan sartua da eta urriaren 24an, larunbatean 18:00etan hasita Etxarri-Aranatzen jokatuko den jaialdian ezagutuko dira lehen maikako eta promozio mailako azken bikote finalistak.