Vai al contenuto

Analisi

À prupositu di Wikipedia
(Reindirizzamentu da Analisa)


A parolla analisi hè aduprata in parechje discipline. 'Sse diverse significazione ùn anu micca solu u listessu nome, ma sò veramente applicazione particulare d’un cuncettu cumunu. [1]

  • In filosofia, l'analisi hè un metudu chì s'oppone à a sintesi. Hà per scopu di capisce un oghjettu scumpunendu lu in i so elementi custitutivi. Stabilisce dunque, prima di tuttu, criterii chì permettenu d'identificà i cumpunenti.
  • In psicanalisi, l'analisi hè u prucessu seguitatu da una persona analizata durante una cura.
  • L'analisi reichiana, hè una terapia energetica.
  • In geografia è, più particularmente, in demugrafia, l'analisi hè di dui tipi: l'analisi longitudinale, chì cunsiste à misurà i fenomeni à parte si da un evvenimentu iniziale chì permette di distingue e generazione o e coorte (nascite, matrimonii, migrazione); l'analisi trasversale, chì permette di misurà un fenomenu in u corsu d'un periudu determinatu, generalmente l'annata civile.
  • In pulitica, l'analisi cunsiste à fà luce nant’à un sughjettu, ricurrendu s'ellu ci vole à una griglia d'analisi. Si parla dinù di decifrazione d'un evvenimentu o d'una situazione.
  • In ecunumia, l'analisi di e forze, di e debulezze, di l'uccasione è di e minacce hè un cuncettu d'intelligenza ecunomica.
  • In l'infurmazione, l'analisi hè una tappa di u ciculu di l'infurmazione chì si svolghje in i servizii d'intellighjenza. Hè u travagliu di l'analistu. Cunsiste à trasfurmà i dati è l'infurmazione, racolte da e fonti in un pruduttu utile à i decididori pulitichi.
  • In matematica, l'analisi hè una branca di sta scienza chì cumprende u calculu differenziale è integrale è i duminii assuciati. Analisi pò dinù designà a prima fase d'un raghjunamentu per analisi è sintesi.
  • In chimica, l'analisi chimica cunsiste à determinà i cumpunenti d'un pruduttu.
  • In biulugia, l'analisi genetica hè a tecnica chì cerca à determinà u genomu di e cellule d'un urganisimu.
  • In informatica è, più particularmente, in ingegneria di u lugiziale, a fase d'analisi hè a prima tappa di a cuncezzione d'un lugiziale.
  • In grammatica, l'analisi grammatica d'un segmentu di discorsu cunsiste à valutà a forma è a funzione di i so elementi custitutivi. Si distingue l'analisi di a parolla, o analisi grammaticale; l'analisi di a prupusizione, o analisi funziunale; è l'analisi di a frasa, o analisi logica.
  • L'analisi semantica stabilisce u significatu d'una frasa percepita.
  • In litteratura, l'analisi hè un metudu strutturatu per studià un'opera.
  • In l'arte plastica, lanalisi d'un'opera permette di ricavà i significati di a cumpusizione grafica è di prisentà e riferenze culturale necessarie.
  • Trà i metudi scentifichi, si mettenu in opera sfarenti metudi analitichi, cum'è a meta-analisi.
  • In musica, l'analisi musicale hè u studiu di a struttura furmale, melodica, armonica è ritmica di l'opere musicale.
  • In u ghjocu di scacchi, esistenu parechje pratiche d'analisi di e partite: l'analisi, o analisi post mortem, permette à i dui ghjucadori, à a fine d'una partita, di rivede i mumenti chjave di quella partita; a variante riguarda una sequenza, mentre chì l'analisi retrograda permette d'identificà a mossa precedente à una situazione data, chì porta à una successione d'evvenimenti inevitabile.
  1. ↑ 'Ss'articulu pruvene in parte da l'articulu currispundente di a Wikipedia in talianu.