Musium Britania
Musium Britania (atawa British Museum) yaitu musium ganal nang maandak labih 8 juta banda-banda panting dalam sajarah wan budaya manusia di dunia, nang mana musium ini andakannya di London, Britania Raya. [1]
Musium ngini dibangun matan tahun 1753, nang awalnya matan barang-barang ampun surang duktur wan ilmuwan bangaran Sir Hans Sloane.[2] Musium ini dibuka ka masyarakat pas tanggal 15 Januari 1759 di Montagu House di Bloomsbury, nang bangunannya manjadi musium nang wayahini. Imbah ngitu, musium ngini sasain bakaambang sampai tabantuk babarapa institusi, yaitu British Museum (Natural History) di South Kensington waktu tahun 1887. Ada babarapa buting barang di musium nang banyak ditahui urang, nangkaya Elgin Marbles[3] matan Parthenon, nang rancak urang basalisih maraga buliknya barang ngini ka banuanya.
Sampai 1997, pas Parpustakaan Britania (sabalumnya yaitu ruang baca Musium Britania) pindah ka andakan nang hanyar, musium ngini tamasuk sabuting institusi nang unik maraga baisi musium purbakala nasiunal wan parpustakaan nasiunal di bangunan nang sama. Musium ngini tamasuk lambaga nang didukung ulih Dipartimin Kabudayaan, Midia wan Ulahraga. Museium ini kada babayaran sagan masuknya cawali mun maminjam barangnya.[4]
Jajuhutan
[babak | babak asal-mulanya]- ↑ "About us". British Museum. Diakses tanggal 26 Maret 2013.
- ↑ "Sir Hans Sloane, Baronet | British Physician & Naturalist | Britannica". www.britannica.com (dalam bahasa Inggris). 2025-01-07. Diakses tanggal 2025-02-28.
- ↑ Jenkins, I. (2001-01). "The Elgin Marbles: questions of accuracy and reliability". International Journal of Cultural Property (dalam bahasa Inggris). 10 (1): 55–69. doi:10.1017/S0940739101771202. ISSN 1465-7317.
- ↑ "Admission and opening times". British Museum. 14 June 2010. Diakses tanggal 4 Juli 2010.
