Film
A film, movie, o motion picture hem i wan wok blong visiol art we i simulatem ol eksperiens mo i pasem ol tingting, stori, luksave, filing, o atmosfea tru long yus blong moving images. Stat long ol yia 1930, ol moving image ia oli plante taem sync wetem saon, mo samtaem oli gat sam narafala samting blong mekem ol narafala filing blong bodi oli stimyulet tu.[1]
Ol man oli mekem ol film taem oli rekodem ol man mo ol samting wetem camera o taem oli mekem olgeta tru long ol teknik blong animation mo special effects. Ol film oli gat wan seri blong ol wanwan frame, be taem ol pija ia oli soem kwiktaem wan afta narawan, man we i stap lukluk i save luk olsem se ol pija oli stap muv. Flickering bitwin ol frame oli no klia tumas from wan efekt we bifo oli singaotem persistence of vision, mo naoia oli talem stret moa se flicker fusion. Hemia i minim se sistem blong ae mo tingting i prosesem wan seri blong ol pija mo ol smol stop we oli kam kwik tumas, olsem wan pija we i no moa jenis mo i gat wanfala nomol braetnes.
Plante man oli lukluk long ol film olsem wan impoten foma blong art; ol film oli save mekem ol man oli glad, tijim olgeta, givim save long olgeta, mo leftemap tingting blong olgeta. Ol visiol samting insaed long sinema oli no nidim translesen, from samting ia i mekem se motion picture i gat wan paoa blong komyunikesen we i save kasem olgeta man long wol. Wanem film nomo i save kam wan samting we ol man long fulwol oli intres long hem, speseli taem oli yusum dubbing o subtitles blong transletem toktok blong ol man insaed long film. Ol film tu oli ol samting we ol defren kalja oli mekem, mo oli soem ol kalja ia, mo long semtaem oli save jenisim ol kalja ia.
Reference
[jenisim hem | edit source]- ↑ Severny, Andrei (September 5, 2013). "The Movie Theater of the Future Will Be In Your Mind". Tribeca. Archived from the original on September 7, 2013. Retrieved September 5, 2013.
