Sokrat
Sokrat (hurup Arap Gundul: سقراط, basa Yunani: Σωκράτης Sōkrátēs) atawa Sokratès (hurup Arap Gundul: سقراطيس; idupnya 470 BC – 399 BC) ada satu pilsup Yunani nyang paling mashur. Dia mah kaga' ngajuin pengetauan atawa kebijakan kusus acan. Cuman, dia ngajari pagémana caranya ngeja dalil[1] nyang baè', nyusun debat, ama perhadring[2] biar orang pada ngarti mas'alah-mas'alah nyang njelimet. Kebanyakan masalah dia punya jabanin sebenernya mah cuman bekutet pasal pulitik, kalo diliat deri lahiriahnya. Cuman, kalo diliat rada daleman lagi, sebenernya entu masalah – masalah moril pasal pagémana kita mistinya idup atawa pagémana idup kudunya dijalanin.[3] Begitu dah Sokrat punya emban[4], sehingga pilsup-pilsup nyang sebelon-sebelonnya dia digeronya "pilsup pra-Sokrat".[5]
Ruju'an
[permak | permak sumber]
- ↑ Dalil (hurup Arap gundul: دليل) – argumen (Indo.); argument (Ing.)
- ↑ Perhadring (hurup Arap gundul: فرهدريڠ) – diskusi (Indo.); discussion (Ing.)
- ↑ Plato. The last days of Socrates. Terjemahan èn mukadimah kejaan Hugh Tredennick. Penguin, Londen
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Emban (hurup Arab Gundul: امبن) – pengaruh (Indo.); influence (Ing.).
- ↑ Guthrie W.K.C. 1962. A history of Greek philosophy. Cambridge University Press, Londen. Polume 1 The earlier presocratics and the pythagoreans. Polume 2 The presocratic tradition from Parmenides to Democritus.
