Pep Qvardiola

Pep Qvardiola
Pep Qvardiola
	kat. Pep Guardiola
Ümumi məlumatlar
Doğum tarixi	18 yanvar 1971[…] (55 yaş)
Doğum yeri	Barselona vilayəti, Kataloniya, İspaniya;
Vətəndaşlığı	İspaniya;
Boyu	180 sm
Çəkisi	80 kq, 70 kq
Mövqeyi	yarımmüdafiəçi
Karyerası
Klub karyerası
Milli yığma
Məşqçi karyerası
2007–2008	Barselona B
2008–2012	Barselona
2013–2016	Bayern Münxen
2016–2026	Mançester Siti
Təltif və medalları
Olimpiya oyunları
Olimpiya oyunları
İmzası
	↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.; ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.;
	Vikianbarda əlaqəli mediafayllar

Xosep Qvardiola (18 yanvar 1971^[1]^[2]^[…], Barselona vilayəti^[3]^[4]) — katalon əsilli ispaniyalı keçmiş futbolçu, Mançester Siti futbol klubunun baş məşqçisi.

Klub karyerası

Xosep Qvardiola futbolçu karyerasına həvəskar futbol klubu olan Gimnastik de Manresada başlayıb. 13 yaşı olanda Barselona B futbol klubuna keçib. Təxminən 6 il bu klubun heyətində çıxış edib, 1990-cı ildən karyerasını Barselona klubunun heyətində davam etdirib. İspaniya milli futbol çempionatında Barselona klubunun heyətində ilk oyununu 16 dekabr 1990-cı ildə Kadiz futbol klubuna qarşı keçirib. Klubun heyətində yarımmüdafiəçi kimi çıxış edən Qvardiola 1997-ci ildə Joze Mari Bakerodan komandanın kapitanı sarğısını təhvil alıb. 1990–2001-ci illərdə Barselonanın heyətində İspaniya milli futbol çempionatında 263, ümumilikdə isə 379 oyun keçirib. Qvardiola 17 iyun 2001-ci ildə Valensiya klubuna qarşı oynadığı oyundan sonra Barselona klubunun heyətindəki çıxışına son qoyub.

Barselona klubundan ayrıldıqdan sonra İtaliya milli futbol çempionatında çıxış edən Breşiya və Roma klublarının heyətində yer alıb. Ancaq İtaliya çempionatında keçirdiyi oyunlarda çox da uğurlu nəticələr göstərə bilməyən Qvardiola Nandrolon testinin nəticələri müsbət çıxandan sonra 4 ay cəza alıb və bununla da İtaliyadakı futbolçu karyersını bitirib. Sonra Qətərin Əl-Əhli və Meksikanın Dorados de Sinaloa klublarının heyətində çıxış edib. Bundan sonra isə futbolçu karyerasına son qoyub.

Milli komanda karyerası

İspaniya milli futbol komandasının heyətində ilk oyununu 21 yaşında ikən 14 oktyabr 1992-ci ildə Şimali İrlandiya milli futbol komandasına qarşı keçirib. Yay Olimpiya oyunları 1992-də olimpiyadanın qızıl medallarını qazanıb. Futbol üzrə dünya çempionatı 1994-də və Futbol üzrə Avropa çempionatı 2000-də İspaniya milli futbol komandasının heyətində çıxış edib. 47 dəfə İspaniya milli futbol komandasının heyətində meydana çıxan Qvardiola bu oyunlarda 5 qol vurub. 14 noyabr 2001-ci ildə İspaniyanın Meksika milli futbol komandasına qarşı keçirdiyi yoldaşlıq oyunundan sonra millinin heyətindəki çıxışlarına son qoyub. Bundan başqa Qvardiola 7 dəfə rəsmən tanınmayan Kataloniya milli futbol komandasının da formasını geyinib.

Məşqçi karyerası

Qvardiola futbolçu karyerasını bitirdikdən sonra 21 iyun 2007-ci ildə Barselona B futbol klubunun baş məşqçisi olub. Frank Raykardın 2007/2008 mövsümündə baş məşqçisi olduğu Barselonanın uğursuz çıxışından sonra bu klubun prezidenti Coan Laporta 8 may 2008-ci ildə klubun baş məşqçisi vəzifəsinə Qvariolanı gətirib. 5 iyun 2008-ci ildə isə Qvardiola Barselona klubu ilə 2 illik müqavilə imzalayıb. Barselonaya baş məşqçilik etdiyi ilk ildə klub İspaniya milli futbol çempionatında çox uğurlu oyun nümayiş etdirərək 100-dən çox qola imza atıb və ölkə çempionu olub. İspaniya kral kubokunda Atletik Bilbaonu 4–1, Çempionlar liqasında Mançester Yunaytedi 2–0, İspaniya super kubokunda Atletik Bilbaonu 2–1 və 3–0, UEFA super kubokunda UEFA kuboku sahibi Şaxtyor Donetsk klubunu əlavə vaxtda 1–0, FIFA dünya klublar kubokunda yarımfinalda Şimali Amerika təmsilçisi Meksika klubu Atlantanı 3–1, finalda isə Cənubi Amerika təmsilçisi Argentina klubu Estudiantesi əlavə vaxtda 2–1 məğlub etməklə mübarizə apardığı 6 turnirin hamısında qalib gələn yeganə klubun — Barselonın baş məşqçisi kimi Qvardiola böyük uğurlara imza atmış olub. Barselona klubu bu oyunu ilə "Kosmos komandası" adını alıb.

Müvəffəqiyyətləri

Futbolçu karyerası

Barselona

UEFA Çempionlar Liqası: 1991/1992
Kuboklar Kuboku Qalibləri: 1996/1997
UEFA Super Kuboku: 1993, 1997
La Liqa: 1990/1991, 1991/1992, 1992/1993, 1993/1994, 1997/1998, 1998/1999
Copa del Rey: 1996/1997, 1997/1998

İspaniya

Yay Olimpiya oyunları 1992: Futbol: 1992

Məşqçi karyerası

UEFA Çempionlar Liqası: 2008/2009, 2010/2011,2022/2023
La Liqa: 2008/2009, 2009/2010, 2010/2011
İspaniya Kral Kuboku: 2008/2009
İspaniya Super Kuboku: 2008/2009, 2009/2010
UEFA Super Kubok: 2009
FIFA Dünya Klublar Kuboku: 2009 .2010
UEFA İlin Komandasının Baş Məşqçisi: 2009

İstinadlar

1 2 Josep (Pep) Guardiola (alm.). // Brockhaus Enzyklopädie. F.A. Brockhaus. (İstifadə tarixi: 9 oktyabr 2017).
1 2 GUARDIOLA josep (isp.). // Base de Datos del Fútbol Argentino.
1 2 Gran Enciclopèdia Catalana (kat.). Grup Enciclopèdia.
1 2 Store norske leksikon (buk.). ISSN 2464-1480. (İstifadə tarixi: 17 oktyabr 2026).
↑ FİFA.
↑ Identifiants et Référentiels (fr.). Agence bibliographique de l'enseignement supérieur.

[club-7] Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.

[national-8] Rəsmi oyunlarda milli yığmanın heyətində keçirdiyi oyunların və vurduğu qolların sayı.

[_c510489321e99675-1] 1 2 Josep (Pep) Guardiola (alm.). // Brockhaus Enzyklopädie. F.A. Brockhaus. (İstifadə tarixi: 9 oktyabr 2017).

[_7d566068cfb6206a-2] 1 2 GUARDIOLA josep (isp.). // Base de Datos del Fútbol Argentino.

[_ad634094dff5da42-3] 1 2 Gran Enciclopèdia Catalana (kat.). Grup Enciclopèdia.

[_e94ab91b8c976a08-4] 1 2 Store norske leksikon (buk.). ISSN 2464-1480. (İstifadə tarixi: 17 oktyabr 2026).

[_cb7ef296acccec2f-5] FİFA.

[_d60c6a362ec743c7-6] Identifiants et Référentiels (fr.). Agence bibliographique de l'enseignement supérieur.

[1]

[2]

[3]

[4]

[5]

[6]

[* 1]

[* 2]