Maja squinado

Maja squinado; centollu
Clasificación científica
Reinu:	Animalia
Filu:	Arthropoda
Subfilu:	Crustacea
Clas:	Malacostraca
Orde:	Decapoda
Infraorde:	Brachyura
Familia:	Majidae
Xéneru:	Maja
Especie:	M. squinado; (Herbst, 1788)
Consultes
	[editar datos en Wikidata]

El centollu^[1] (Maja squinado) ye un crustaceu marín mui preciáu pol so sabor. El so nome científicu, Maja brachydactyla, alude a les pates curties que tien. Mide ente 85 y 200 mm y algama un pesu d'ente 250 y 3.000 gramos.

Vive nes agües del Atlánticu Norte, d'Irlanda a Guinea y nel Mediterraneu^[2].

Etimoloxía

L'epítetu específicu squinado remanez del nome provenzal de la especie («squinado», «esquinade», «esquinado» o «esquinadoun»), rexistráu por Rondelet yá en 1554.^[3]

El Centollu na gastronomía asturiana

Distínguense los machos de les femes, siendo más sabroses les segundes.

Pa comelu debemos quita-y les pates y partiéndoles con tiñaces o mayándoles con un mazu de madera sobre una tablina. Dempués abrimos el cascu (tamién nomáu carru) y trociamos l'interior en cuatro cachos.

Dientro'l cascu suelen ponese güevos cocíos o quesu Cabrales y mecelo too con sidra. Tamién se comercializa dende va dellos años un paté de centollu.

La pesca del centollu n'Asturies

La estadística oficial de la pesca del centollu n'Asturies, sofitada na venta realizada nes rules ye la que vien darréu (fonte: Direición Xeneral de Pesca Marítima^[4]:

Estadística de la pesca de centollos
Añu	Pesu	Importe	Preciu Mediu
2004	68.862,03 Kg	612.365,51 €	8,89 €/Kg
2005	41.329,12 Kg	457.856,94 €	11,08 €/Kg
2006	45.951,31 Kg	472.666,38 €	10,29 €/Kg
2007	53.043,63 Kg	524.116,40 €	9,88 €/Kg
2008	32.640,51 Kg	407.687,14 €	12,49 €/Kg
2009	23.918,34 Kg	302.263,96 €	12,64 €/Kg
2010	26.865,61 Kg	317.134,30 €	11,80 €/Kg
2011	29.904,77 Kg	314.374,61 €	10,51 €/Kg
2012	37.122,00 Kg	325.688,41 €	8,77 €/Kg
2013	21.870,07 Kg	191.463,49 €	8,75 €/Kg
2014	22.148,30 Kg	199.458,23 €	9,01 €/Kg
2015	24.581,82 Kg	233.028,64 €	9,48 €/Kg
2016	23.636,16 Kg	259.697,41 €	10,99 €/Kg
2017	31.937,53 Kg	314.537,29 €	9,85 €/Kg
2018	24.253,42 Kg	232.814,01 €	9,60 €/Kg

Referencies

↑ URL de la referencia: http://www.sabencia.net/nomenclator.php.
↑ Carl Meyer. «Maja squinado, the European Spider Crab: Biology and Fishery» (inglés). Consultáu'l 15 de xunu de 2007.
↑ Le Foll, D. (1 de payares de 1993). Tesis doctoral, Université de Bretagne Occidentale (ed.): «Biologie et exploitation de l'araignée de mer Maja squinado (Herbst) en Manche Ouest» (francés). Consultáu'l 15 de xunu de 2007.
↑ Estadística Pesquera de la Direición Xeneral de Pesca Marítima del Principáu d'Asturies Archiváu 2015-10-18 en Wayback Machine consultao’l 15.02.2019

[25371c05886d508f0bd3b89319c1e188ec3c8883-1] URL de la referencia: http://www.sabencia.net/nomenclator.php.

[Meyer-2] Carl Meyer. «Maja squinado, the European Spider Crab: Biology and Fishery» (inglés). Consultáu'l 15 de xunu de 2007.

[Foll-3] Le Foll, D. (1 de payares de 1993). Tesis doctoral, Université de Bretagne Occidentale (ed.): «Biologie et exploitation de l'araignée de mer Maja squinado (Herbst) en Manche Ouest» (francés). Consultáu'l 15 de xunu de 2007.

[4] Estadística Pesquera de la Direición Xeneral de Pesca Marítima del Principáu d'Asturies Archiváu 2015-10-18 en Wayback Machine consultao’l 15.02.2019

[1]

[2]

[3]

[4]