KEGG

KEGG
	base de datos biolóxica, chemical database (en) y knowledge graph (en)
	Web oficial

KEGG (sigles de Kyoto Encyclopedia of Genes and Genomes, «Enciclopedia de Xenes y Xenomes de Kioto») ye una colección de bases de datos de bioinformática que recueye información sobre xenomes, xenes, proteínes, rutes metabóliques, enfermedaes, fármacos, compuestos químicos y otres entidaes biolóxiques. El recursu ta orientáu a interpretar les funciones de los sistemes biolóxicos a partir d'información molecular y de los grandes conxuntos de datos xeneraos pola secuenciación del ADN y otres tecnoloxíes esperimentales.^[1]

El proyectu empezó en mayu de 1995 nel Institute for Chemical Research de la Universidá de Kioto, en Xapón, baxo la dirección del bioinformáticu Minoru Kanehisa, nel contestu del programa xaponés del Proyeutu Xenoma Humanu.^[1] El so oxetivu inicial yera integrar la información xenómica cola conocencia de procesos celulares y moleculares de nivel superior, permitiendo interpretar les funciones de los xenes non de manera aisllada, sinón como parte de redes d'interacciones ente molécules.

KEGG ta formáu por distintos recursos interrellacionaos. KEGG PATHWAY representa gráficamente rutes metabóliques y otros procesos moleculares; KEGG GENES recueye información sobre xenes y proteínes; KEGG GENOME organiza información de xenomes; y KEGG COMPOUND, KEGG REACTION, KEGG ENZYME, KEGG DISEASE y KEGG DRUG contienen datos sobre compuestos, reacciones, enzimes, enfermedaes y fármacos, respeutivamente.^[2]

La integración d'estes bases de datos permite utilizar KEGG en campos como la xenómica, la metaxenómica, la metabolómica, la bioloxía de sistemes y la investigación farmacolóxica. El proyectu proporciona amás ferramientes d'análisis como KEGG Mapper, que permite mapear xenes, proteínes y otres entidaes sobre rutes y redes biolóxiques, y sistemes automáticos d'anotación funcional como BlastKOALA y GhostKOALA.^[1]

Ver tamién

Referencies

1 2 3 Kanehisa, Minoru; Goto, Susumu (2000). «KEGG: Kyoto Encyclopedia of Genes and Genomes». Nucleic Acids Research 28 (1): páxs. 27-30. doi:10.1093/nar/28.1.27. PMID 10592173. https://archive.org/details/nucleic-acids-research_2000-01-01_28_1/page/27.
↑ «KEGG: Kyoto Encyclopedia of Genes and Genomes» (inglés). Kanehisa Laboratories.

Enllaces esternos

KEGG — sitiu web oficial (n'inglés)

[KEGG-1] 1 2 3 Kanehisa, Minoru; Goto, Susumu (2000). «KEGG: Kyoto Encyclopedia of Genes and Genomes». Nucleic Acids Research 28 (1): páxs. 27-30. doi:10.1093/nar/28.1.27. PMID 10592173. https://archive.org/details/nucleic-acids-research_2000-01-01_28_1/page/27.

[2] «KEGG: Kyoto Encyclopedia of Genes and Genomes» (inglés). Kanehisa Laboratories.

[1]

[2]