Premios do Concurso de elaboración de Postais de Nadal 2026-2027

23/Outubro/2026 CONCELLO DE XOVE
• 

Os premios do concurso de confección de postais de Nadal organizado polo Concello de Xove teñen por obxecto incentivar a participación cidadá, en particular dos escolares de Xove, na programación prevista para o Nadal 2026-2027. Poderá participar no concurso e ser beneficiario destas axudas calquer/a neno/a ou rapaz/rapaza empadroado/a no Concello de Xove en idade escolar (desde 4º de Infantil ata 4º de ESO)

A documentación a presentar será a seguinte:-Ficha de inscrición establecida ao efecto. A ficha de inscrición deberá presentarse, xunto coa postal a concursar na Biblioteca Municipal con data límite 12 de decembro de 2026.

CONVOCATORIA E BASES

FICHA DE INSCRIPCIÓN

XVII Foliada da Mariña

21/Outubro/2026 CONCELLO DE XOVE
• 

Xove acolle este sábado a XVII Foliada da Mariña, unha cita coa música e o baile tradicional.

A Asociación Cultural Saiñas de Xove organiza este sábado, 24 de outubro, a XVII Foliada da Mariña, unha cita imprescindible para os amantes da música e do baile tradicional galego. A celebración terá lugar a partir das 17:00 horas na praza do Concello de Xove, onde os asistentes poderán gozar dunha tarde e noite cheas de música, baile e tradición.

A foliada contará con diversas actuacións que amenizarán a xornada e que converterán Xove nun punto de encontro para todas aquelas persoas que desfrutan do noso folclore e das nosas tradicións.

A maiores da participación dos distintos grupos de bailadores, gaiteiros e pandereteiras da A.C Saíñas a partir das 17:00 h tamén serán participes desta foliada O Arco da Vella, Gamelas e Anduriñas e Pensamento e Sementeira.

Pola noite, a partir das 21:00 h contarán coa actuación de Alana e Os do fondo da barra e e logo a partir das 00:00 h haberá foliada libre.

Desde o Concello de Xove queremos agradecer á Asociación Cultural Saiñas o seu traballo constante na promoción e difusión da cultura tradicional galega, así como o seu compromiso por manter vivas as nosas raíces e levar o nome de Xove máis alá das nosas fronteiras.

Convidamos a toda a veciñanza e ás persoas que nos visiten a achegarse á praza do Concello para compartir unha xornada festiva, desfrutar das actuacións e vivir de preto a riqueza da música e do baile tradicional.

A XVII Foliada da Mariña promete unha tarde e unha noite de diversión, convivencia e tradición galega. Unha oportunidade perfecta para reunirse, bailar e celebrar a cultura que nos identifica.

Agardámosvos en Xove para gozar dunha nova edición da Foliada da Mariña!

COMPREINO EN XOVE, en galego!

21/Outubro/2026 Departamento de Emprego e Desenvolvemento Local
• 

O Concello de Xove pon en marcha o programa XOVE EMPRENDE EN GALEGO IX, unha iniciativa subvencionada pola Xunta de Galicia para fomentar o uso da lingua galega nas relacións comerciais e apoiar o comercio local.

A campaña contará cunha imaxe conxunta para a presentación dos agasallos, que incluirá papel de envolver e adhesivos coa mensaxe «COMPREINO EN XOVE». Estes materiais repartiranse antes do Nadal entre os establecementos do municipio interesados en sumarse á iniciativa.

Ademais, editaranse dous vídeos protagonizados por persoas emprendedoras de Xove, que compartirán as súas experiencias e reflexionarán sobre a importancia e as vantaxes de empregar o galego no ámbito comercial.

Porque mercar en Xove é apostar polo noso comercio, pola nosa xente e pola nosa lingua. 

Este Nadal, compra en Xove e vive en galego! 

Concurso de Caretas de Antroido 2027

19/Outubro/2026 CONCELLO DE XOVE
• 

PROPOSTA DE CONVOCATORIA DOS PREMIOS DO CONCURSO DE ELABORACIÓN DE CARETAS DE ENTROIDO 2027.

PRIMEIRA.- DEFINICIÓN DO OBXECTO.Os premios do concurso de confección de caretas de Entroido organizado polo Concello de Xove teñen por obxecto incentivar a participación cidadá, en particular dos escolares de Xove, na programación prevista para o Entroido 2027.

SEGUNDA.- REQUISITOS DOS PARTICIPANTES.Poderá participar no concurso e ser beneficiario destas axudas calquer/a neno/a ou rapaz/rapaza empadroado/a no Concello de Xove en idade escolar (desde 4º de Infantil ata 4º de ESO)

A documentación a presentar será a seguinte:

-Ficha de inscrición establecida ao efecto

A ficha de inscrición deberá presentarse, xunto coa careta a concursar na Biblioteca Municipal con data límite o 30 de xaneiro de 2027.

TERCEIRA.- NORMAS DE ELABORACIÓN DAS CARETAS.

As caretas deberán estar relacionadas con motivos de entroido.

Realizaranse en cartulina, folio ou calquera outro material que se axeite ao tamaño dun folio.

A técnica a empregar será libre: debuxo a lápis, rotuladores, ceras, collage, etc.

Calquera alumno/a poderá participar na súa categoría correspondente, cun ou máis traballos. No entanto, cada participante non poderá recibirmáis dun premio.

A careta non incluirá ningún dato persoal do/a concursante.

Normativa regulamentadora

Ficha de inscripción

Éxito da I Xornada Micolóxica en Xove.

13/Outubro/2026 CONCELLO DE XOVE
• 

O Concello de Xove levou a cabo este sábado a I Xornada Micolóxica de Xove, unha iniciativa que reuniu 50 participantes procedentes de distintos lugares da Mariña, nunha xornada marcada polo compañeirismo, a aprendizaxe e a paixón polo mundo dos cogomelos.

A actividade comezou cunha introdución no salón de actos, na que os asistentes puideron coñecer os aspectos básicos da xornada e prepararse para a saída ao campo. A continuación, os participantes desprazáronse ata a parroquia de Monte, onde realizaron unha saída micolóxica para localizar e identificar diferentes especies de cogomelos.

Despois do xantar, a actividade continuou cunha posta en común das especies atopadas, que permitiu comentar e analizar os exemplares recollidos, así como resolver todas as dúbidas e cuestións que foron xurdindo entre os participantes.

A xornada converteuse nunha oportunidade para compartir coñecementos, intercambiar experiencias e gozar dunha afección común nun ambiente de convivencia e compañeirismo, achegándose ao mesmo tempo á riqueza natural do municipio de Xove.

Desde o Concello de Xove faise unha valoración moi positiva desta primeira edición, tanto pola participación rexistrada como polo interese e a implicación das persoas asistentes.

O éxito desta I Xornada Micolóxica anima a seguir promovendo actividades que fomenten o coñecemento do medio natural, a divulgación e a convivencia entre a veciñanza e as persoas afeccionadas á micoloxía.

Linea Verde (Avisos de incidencias varias)

09/Outubro/2026 Concellería de Medio Ambiente
• 

CASE 500 INCIENCIAS SOLUCIONADAS A TRAVÉS DO SERVIZO LÍNEA VERDE NO CONCELLO DE XOVE

Grazas a implantación deste servizo, os veciños dispoñen dun canal directo de comunicación co Concello de Xove, para infformar sobre os desperfectos localizados no municipio. Líne Verde favorece o uso das “boas prácticas” medioambientais e, en consecuencia, no desarrollo do municipio sostible.

App Línea Verde Concello de Xove - Avisa da túa incidencia online

OUTUBRO 2026 – O servizo Línea Verde implantouse en Xove no ano 2021. Os veciños desta localidade demostraron moi boa acollida e proba delo, é o uso continuo que fan do mesmo.

O tipo de incidencias que máis se comunicaron son aquelas que fan referencia a “aceras e calzadas” (20%), seguido do “alumbrado” (17%), “parques e xardíns” (11%), “basuras” (10%) e “puntos de auga” (10%). A día de hoxe puxéronse solución a todas as incidencias comunicadas a través deste servizo.

Para poder utilizar este servio é necesario proceder a descargar a APP LÍNEA VERDE. Para elo, o usuario accede a Google Play ou APP Store en función da tecnoloxía empleada no seu Smartphone (Android/iOS). Unha vez localizada, lévase a cabo a descarga de forma gratuita. A partir deste momento, o usuario selecciona o municipio sobre o que quere comunicar a incidencia. O precedemento é moi rápido e sinxelo.

Para comunicar unha incidencia, basta con pinchar sobre o botón “Nova incidencia”. Un despeglabe coas diferentes tipoloxías de incidencias aparece na pantalla. O usuario selecciona aquela sobre a que quere comunicar. De forma autómatica, a APP detecta as coordenadas exactas nas que se ubica o desperfecto. O seguinte paso é adxuntar unha foto da incidencia e observación sobre a mesma. Xa só queda dar ao botón de enviar. Unha vez enviada, persoal do concello recibe notificación do desperfecto comunicado. A partir deste momento, inícianse os trámites para dar solución a incidencia detectada. O cidadán, a súa vez, recibe notificación no seu teléfono móvil sempre que se produza un cambio no estado da mesma.

 imaxe da presentación

Peón Forestal para acondicionamiento de espazos municipais

06/Outubro/2026 Departamento de Emprego e Desenvolvemento Local
• 

Subvención para Entidades Locais que contraten persoas mozas inscritas no Sistema Nacional de Garantía xuvenil, no ámbito da Comunidade Autónoma de Galicia, cofinanciadas pola Unión Europea no marco do programa FSE+ Galicia 2021-2027.

O Concello de Xove acaba de formalizar un contrato laboral dun peón forestal polo período de 9 meses cun mozo inscrito no Sistema Nacional de Garantía Xuvenil grazas á subvención recibida pola Xunta de Galicia para esta actuación. A axuda da Consellería de Emprego, Comercio e Emigración consiste en 16.902,64 euros, o Concello de Xove aportará a diferencia dos custes laborais do peón forestal que prestará os seus servizos no proxecto denominado ACONDICIONAMENTO DE ESPAZOS MUNICIPAIS.

Esta axuda esta cofinanciada nun 60% pola Unión Europea no marco do Programa FSE+Galicia 2021 – 2027, dentro do Obxectivo político 4 “Unha Europa máis social e inclusiva, por medio da aplicación do piar europeo de dereitos sociais”, Prioridade 5 “Emprego xuvenil”, Obxectivo específico ES04.1. “Mellorar o acceso ao emprego e a medidas de activación de todas as persoas demandantes de emprego, e en particular das persoas mozas, especialmente a través da aplicación da Garantía Xuvenil dos desempregados de longa duración e os grupos desfavorecidos no mercado laboral, e das persoas inactivas, así como mediante a promoción do emprego por conta propia e a economía social”, e Medida 5.A.02. “Facilitar a mellora da empregabilidade das persoas mozas desempregadas”.

Escola Municipal de Música de Xove presenta o novo curso 2026-27

05/Outubro/2026 CONCELLO DE XOVE
• 

Este sábado tivo lugar nas instalacións do antigo colexio de Palmeiro a presentación do novo curso escolar 2026-2027, nun encontro no que as familias tiveron a oportunidade de coñecer de primeira man o funcionamento da escola e as principais novidades de cara ao novo curso.

Durante a xornada, o equipo da escola presentou ás familias os horarios, a organización e o funcionamento do centro, así como os diferentes aspectos relacionados co día a día do alumnado. O encontro permitiu tamén resolver dúbidas e compartir información de interese para afrontar o inicio do curso con claridade e confianza.

A presentación serviu, ademais, como punto de encontro entre as familias e o equipo da escola, reforzando a importancia da comunicación e da colaboración entre a comunidade educativa.

Desde a escola agradecen a participación das familias nesta xornada e a súa disposición para iniciar, xuntos, este novo curso 2026-2027 con ilusión e compromiso.